BUNGA WARUNG III

Bismillaah.. Kembali findi pop menghadirkan kisah cinta yang mendayu dayu
BUNGA WARUNG III
Lakian:nadhira apa yang membuat pian merasa kada pantas kalu aku bersama pian,apa pian kada percaya wan ucapanku...(Cangang wan utuh)
Nadhira:ka ulun percaya wan pian,tapi kalu hati ini dipaksakan menerima kaka,bukan kebahagiaan yang akan di dapat tapi justru tekanan,biarkan semuanya mengalir apa adanya,yang penting kita tatap bakawan..
Lakian:apa karena ading mencintai pemuda ini..(Cangang wan utuh)
Nadhira:(takalipik)hah..
(Cangang nadhira wan utuh, Mandam samuaan)
Lakian:ayu jawab nadhira,apa itu bujur..
Nadhira:kaka jangan berpikiran begitu,kalu kedepannya kaina ulun ada rasa wan ka utuh itu bukan berarti penyebab ulun manulak cinta pian,tapi itu sudah merupakan takdir Ilaahi..
Lakian:hmm aku jadi kada paham jalan pikiran pian,apa bidanya aku wan pemuda ini..
Nadhira:pemandiran kaka sudah menjurus ke hal yang amat pribadi ulun,maksud ulun kaka jangan menyalahkan ka utuh karena ulun sudah menulak pian,sual nantinya ulun ada hubungan atau kadanya wan ka utuh itu urusan nanti yang pasti kada melatar belakangi keputusan ulun saat ini ,sekali lagi muhun maaf kaka..
Aisyah :(dalam hati)hmm sepertinya nadhira mimang sudah ada hati wan utuh,dari pamandiran nadhira dapat ditarik kesimpulan,bahwa bila terjadi hubungan wan utuh kadada kendala yang menghalang seperti kecemburuan atau sakit hati si lelaki ini..
Abah ijum:(mambisiki)pinanya mattai utuh dapat angin segar untuk bergerak maju meraih cintanya nadhira,ucapan nadhira tadi merupakan harapan bagus buat utuh..
Amat:(babisik)iya ai angin segar,tapi angin nang kaluar dicurung situ tulin bau ban mandah..(Mahapak)
Abah ijum:(takalipik)lingu amat nih,urang bapandir serius inya malah mahapak..(Sarik)
Amat:situ babisik manyambur nyambur,muntung sing bauan..
Abah ijum:(takalipik)saraf mamadahi muntungku bau,dasar linguu..
Utuh:ui napa pulang nang diabutakan,urang lagi bapandir serius didangari..
Amat:si kimpus nih babisik manyambur nyambur tuhhai mantang mantang gigi umpung..(Nganga nganga)
Aisyah:xixixixixi..
Abah ijum:(takalipik)lingu banaran kulipak jaring nih,baaak..(Manyipak)
Amat:(kujul kujul)akay akay akay landauku disipaknya,curut kimpus nih disipaknya aku..
Aisyah:hahaha,ui ka amat kada bulih wani wan abah kaina katulahan gkgkgk..
Amat:(takalipik)akay abah jar,kapidaraan banarai aku baisi kuitan kaya urang urangan sawah nih..(Sambil bapusut landau)
Abah ijum:(takalipik)gila siapa jua hakun baisi anak kaya dampul jukung nginih,secara aku gagah masa baisi anak liwar jelek..(Baagak)
Amat:(takalipik)curut gagah nangapa bajalan haja pilai,buyyit kana tiup angin gin tapisah wan awak saking kimpusnya..
Utuh:mulai pulang sudah baranai,mauk jua..
Abah ijum:awas ikam mattai,ku padahakan wan nini kulimbit landu kaina..
Amat:(takalipik)akayyyy..
Lakian:baiklah nadhira kalau mimang itu keputusan pian,hmm aku permisi dulu..
(Bulikan buahannya,cangang nadhira wan utuh)
Utuh:kenapa ading manulaknya..
Nadhira:kelihatan dari sikapnya ka,kalau dia bertemperamen tinggi,agak kasar ulun kada wani wan lakian kaya itu..(Point 1 yang kada dikatujui binian)
Utuh:kalu misalnya ka utuh pang yang naksir kaya apa ding..(Manimbak)
Nadhira:ah pian ini ka ai secara pian ini ganteng,pergaulan maju masa handak wan bunga warung..(Supan supan)
Utuh:hehehe..
Amat:(mamaraki aisyah)amun aku aisyah sayangai biar bunga warung tatappai amun hati handak,aisyah pang wanita pujaan ka amat hahay..
Abah ijum:jangan hakun aisyah hai wan amat,kantutnya bau karbit..(Mahapak)
Aisyah:xixixixi..
Nadhira:hehehe..
Amat:(takalipik)gila kimpus nih mahapak pulang..
Utuh:mat ambil gitar di mobil kita..
Amat:wah ukiii..
(Maambil gitar amat,hanyar dijurung wadah amat,duduk dihiga nadhira si utuh sambil bagitar)
Utuh:(banyanyi lagu wow kau yang satu) tanpamu.. Akulah yang rindu.. Tanpa dirimu.. Hilanglah manjaku..
(Cangang banar nadhira dengan tatapan yang amat lembut)
Kasihku tahta naruniku.. Cintamu hanya dihatiku.. Ijinkan aku selami hatimu.. Ijinkan aku bisikkan cintaku.. Janjiku pada kau yang satu.. Diriku hanyalah untukmu..
Utuh:disyair lagu sendu yang kunyanyikan,terdapat kata yang mewakili isi hati,bahwa aku inginkan dirimu nadhira..
Abah ijum:oh so sweeeeeeeeeeet..
Aisyah:cieeeee cieeeeee..
Nadhira:hmm gitarin lagu dangdut kaka,ulun handak menyanyi lagu BUNGA WARUNG dari lilis karlina..
Utuh:wah ikam mat gitar dangdut..
Amat:wah ukii..(Manggitar)
Nadhira:(banyanyi)betuuuuul.. Apa tidaaaaaaak.. Kamu... Cinta saya...
Abah ijum:prok prok prok..(Baampik)
Nadhira:(banyanyi) Kalau memang betul kamu cinta saya
Sudah tentu saya rela menerima
Asal jangan dimain main
Asal jangan di bohong bohong
Demi Tuhan saya berjanji
Cinta saya sampai mati
Kalau memang betul kamu jatuh cinta
Sama saya bunga warung pinggir jalan
Asal jangan dimain main
Asal jangan di bohong bohong
Saya rela hidup sengsara
Cinta saya sampai mati
Biar saya bunga warung pinggir jalan
Tidak suka kalau jadi istri muda
Biar susah pagi makan sore tidak
Asal jangan sampai saya rebut cinta
Sakit hatinya wanita tentu sama
Kalau pacar tahu tahu pindah cinta
Utuh:(menggenggam tangan)ading aku berjanji meskipun ading hanya seorang bunga warung,cinta ka utuh bukan main main,kiranya pada hati adinglah ka utuh sandarkan cinta untuk kemudian mengakhiri segala petualangan cinta ka utuh..(Mangecup kening)
Nadhira:ulun percaya kaka,ulun sudah lelah mencari yang sempurna,kiranya pada diri ka utuhlah segala impian dan harapan ulun berlabuh..
Abah ijum:asli dapat utuh..
Aisyah:(dalam hati)sudah ku duga nadhira punya perasaan terhadap utuh, urangnya simple ,bapandir apa adanya,dewasa,dan punya sikap melindungi..(Point ke 2)
Amat:maafai nah aisyahhai,kalu ka amat handak jua baisi pacar,hari hari aur wan kimpus nih haja bajalan..
Abah ijum:(takalipik)beuh curut..
Aisyah:maksud ka amat..
Amat:maukah ading aisyah menjadi ratu dikehidupan ka amat,seperti utuh wan nadhira safiya..
Aisyah:hmm bodoh jika ulun menulak sebuah kebaikan,sebab ini awal langkah buat kedepan kita menghidupkan sunah Rasul,kalo ka amat benar benar mencintai aisyah,maka datanglah kerumah orang tua aisyah untuk melamar..
Amat:yiiiihaaaaa asyiiiiik..
Utuh:mat baimbai kita malamar..
Amat:wah ukiiii..
Nadhira:insya Allah dengan uang yang sudah terkumpul, aku sama aisyah akan membuka toko pakaian muslimah..
Aisyah:wah siip ide bagus nadhira..
Abah ijum:jangan bagus bagus,aku pang wan siapa..(Pina maras)
Amat:hehe tenang abah ijum dikampung sudah mehadang ratu perfilman dunia dengan cinta sejatinya si pandikar tapih keramat nini kulimbit landu hahaha..
Utuh:hahaha asli bujur dari pada upau..
Abah ijum:beuh baik aku betapa di goha dari pada tapacari kapur barus..(Masam muha)
Akhirnya kebahagiaan diraih buahannya, cinta sejati telah menyatukan hati mereka)
Sampai disini dulu kisahnya, akan hadir kisah yang lebih seru dan kocak tapi juga menyayat hati insya Allah " surga itu ditelapak kaki ibu"
Asal like wan kumint pian kada menurun,saebagai motivasi ulun dalam menghibur pian barataan
Pesan:wanita itu adalah sosok yang lemah lembut,untuk mendekatinya dibutuhkan sikap yang lembut santun dan bersahaja,sebab wanita tidak menyukai sikap lelaki yang arogan,over akting,dan memaksakan kehendak

Penulis

Fendi ramanda

di copy paste dari Grub FB Komunitas Wawaluhan
18 February 2015 

BUNGA WARUNG II

Bismillaah.. Kembali findi pop menghadirkan kisah cinta yang mendayu dayu
BUNGA WARUNG II
Utuh:artinya urang kada pintar,hati handak biniannya bungas tapi badiam haja..
(Langsung badiri 2 lakian tadi)
Lakian:pukuknya siapa haja wani maanu nadhira akan kuhabisi,baaaak.. (Manancapkan belati di meja)
Lakian 2:ayu siapa nang merasa jagau surung sini..
Abah ijum:(takalipik)lawani tuhhai,jangan pancat..(Sarik)
Amat:(takalipik)waduuh pancangan baabutan ini..
Utuh:(takalipik)homa ba wasilah, aku batakun dulu kanapa jadi ikam sarik, gara gara kusambat kada pintar kah..
Lakian:iih harga diri wallai..
Utuh:ikam kira gaya ikam kaya itu,nadhira makin terpesonalah wan ikam,karena ikam merasa jagau..
Lakian:kada tahu aku..(Manciling)
Utuh:hmm,justru sikap ikam kaya itu malah membuat nadhira kada katuju wan ikam,dewasa coy ini jaman kadada lagi main paksa kahandak,ikam sarik disambat kada pintar tapi kelakuan ikam kaya itu malah makin menunjukkan bahwa ikam lebih kada pintar..(Dewasa jagauannya)
Lakian:ai kanapa garang sarikkah ikam,baik bulikan buahan ikam daripada ku hamukki..(Maancam)
Utuh:ikam nekat melakukan itu karena cinta,tapi apa yang sudah ikam lakukan demi nadhira,maucapkan cinta kadada, diterima nadhira haja balum ,bahkan yakin bajuduhpun wan nadhira kadada,bunyul amun ikam hakun bakalahi sementara nadhira kada pasti jadi juduh ikam..
(Bagai tasadar wan ucapan utuh,tatunduk lawan utuh)
Lakian 2:iih lah bujur jua..
Utuh:kalau nadhira ini jadi bini ikam,atau calun bini ikam lantaran sudah ada pamandiran,lalu ada lakian nang mancuba manggudanya wajar ikam sarik bussai,ini pemandirannya haja kadada lagi,bakalahi misalnya bahujung masuk panjara hasilnya maka kadada, apa itu kada tindakan konyol namanya, kalu ikam mimang handak wan inya,pandiri baik baik,maulah nadhiranya,kalu bakucucukkan ikat inya secepatnya wan pernikahan,nyata kada makan hati ikam,atau kalau mimang ada persaingan dalam hal merebutkan hatinya nadhira , mari bersainglah secara sehat..
Lakian:oh iyaa,maaf bro aku tadi terbawa esmosi haja..(Maandak wasi kapinggang)
Utuh:kada papa kawannai,secara akal sehat amun dihati ikam ada cinta wan nadhira wajar kalau ikam takut kehilangannya, nadhira ini disamping cantik,matanya teduh bibir merah merekah,juga mempunyai senyum yang amat memikat hati,wajahnyapun kada bosan dipandang,disamping itu bahasanya santun dan membuat hati merasa nyaman mun kita ada didekatnya..(Malirik ka nadhira)
Nadhira:hmm pian nih..(Supan)
Aisyah:aku pang menurut pian kaya apa ka utuh..
Amat:(manyahut)hehe amun ikam dingai jangan diragukan lagi dewinya dari segala dewi..
abah ijum:(manyahut) nah bujur tu, dan yang benar benar pantas mendampingi aisyah adalah abang jum cruse hehehe..(Tatawa kalihatan gusi)
aisyah:(takalipik)jah bisa banar kai nih..
Abah ijum:(takalipik)waduh dikiyau kai aku,matiai pasaran..(Takicing)
Amat:hahaha imang inak,hehe ading aisyah pian ini selain memiliki nama yang indah,paraspun amat jelita,wajar haja kalau seandainya ka amat berani menerjang luasnya samudera hanya untuk mendapatkan satu butir mutiara tuk dipersembahkan buat aisyah yang cantik,nekat aku ni demi pian hahay..
Abah ijum:pandirnya haja,bakunyung haja kada bisa paling wani di tabukan nang banyu sampai ke pinggang kisah handak menerjang samudera..(Mahapak)
Amat:(takalipik)beuh mahapak kimpus nih..
Aisyah:xixixixi..
Nadhira:hehehe..
(Imbah itu baparak lakian tadi wan nadhira)
Lakian:dhira maafkan kalu aku sudah membuat hati pian kada nyaman wan sikapku,namun semuanya yang terjadi karena aku takut kehilangan pian..
Abah ijum:(mambisiki)pinanya lakian tu handak manimbak nadhira mattai..
Amat:(babisik)mauai saku,asal jangan manimbak aisyah haja,netu lirikanku sudah..
Abah ijum:(takalipik)curut lirikanku jar,basaing kita wallai..
Amat:beuh sudah tuha handak haja masih basaing,jalas situ kalah..
Abah ijum:jangan rimihakan haaku ikam,biar tuha kharismaku kada pudar lagi wallai..
Utuh:uii apa nang diabuttakan,tu nah urang handak bapandir serius didangari..
Amat:tahu kimpus nih gigi umpung pandir sing nyaringan..(Mahapak)
Abah ijum:(takalipik)lingu jua ikam ni mattai saurang iyaa jua aku haja nang disalahakan..(Sarik)
Lakian:maukah nadhira jadi kekasihku..(Manimbak)
Nadhira:hmm..(Malirik utuh)
Utuh:(cangang,dalam hati)ading tahan hatimu ding,cukup cinta ka utuh yang ading balas..(Handak jua jaguannya)
Aisyah:(dalam hati)aneh kenapa nadhira cangang wadah utuh,apa nadhira menyimpan perasaan suka wan utuh..(Mengamati)
Lakian:jawablah nadhira,ini sangat penting..
Nadhira:ulun ulun..(Malirik pulang wan utuh)
Utuh:(dalam hati)sepertinya nadhira takutan menjawab..
Aisyah:(dalam hati)tampaknya nadhira akan menulak,matanya kada jauh dari memandang utuh seolah mendapat ketenangan ketika memandang utuh..
Lakian:ayulah ding jawablah,aku akan berusaha membahagiakan pian..
Nadhira :ul ul ulun..
Utuh:ading kada usah takutan,jawablah ada ka utuh yang akan menjaga..(Jiwa melindungi)
Nadhira:maafkan ulun ka,selama ini ulun kada mencintai pian,disamping itu apalah artinya binian kaya ulun ini,ulun hanya bunga warung,masih banyak binian yang lebih pantas buat hati sebaik kaka,sebaiknya kita berkawan saja ya ka..
(Lamas lakiannya)
Lakian:tapi aku benar benar mencintai pian..
Nadhira:hmm cinta itu lumrah kaka,tapi kada bisa dipaksakan,bersabar ya kaka kelak akan ada seseorang yang pantas buat pian,dan mencintai pian..(Senyum)
Utuh:(dalam hati)subahanallaah,ckckck indah benar senyumannya nadhira,siapapun akan terluka kehilangan dia..(Manjanaki banar)
Lakian:jadi aku kada bisa mendapatkan pian ding..
Nadhira:hmm bisa kalau ada jodoh,untuk saat ini kita belum bisa menyatukan hati kita,karena ulun belum ada rasa kesitu..(Penolakan secara halus)
Lakian 2:sudahlah bro,jangan dipaksa hasilnya kada akan baik,ini perlu proses bila mimang ada juduh kelak pasti nadhira kawa haja dimiliki..
Lakian:nadhira apa yang membuat pian merasa kada pantas kalu aku bersama pian,apa pian kada percaya wan ucapanku...(Cangang wan utuh)
Nadhira:ka ulun percaya wan pian,tapi kalu hati ini dipaksakan menerima kaka,bukan kebahagiaan yang akan di dapat tapi justru tekanan,biarkan semuanya mengalir apa adanya,yang penting kita tatap bakawan..
Lakian:apa karena ading mencintai pemuda ini..(Cangang wan utuh)
Nadhira:(takalipik)hah..
(Cangang nadhira wan utuh, Mandam samuaan,reaksi apa yang akan ditunjukkan lelaki itu,bisakah menerima kenyataan kalau seandainya nadhira bersikeras manulaknya ,dan bagaimana kisah selanjutnya,nantikan paling lambat esok ulun postingakan kelanjutannya dengan cerita yang lebih menarik,amun dikatujui haja masih kumint wan like kada menurun)
Pesan:apabila kita mencintai seseorang,
Dan terjadi persaingan berpikirlah secara akal sehat,jangan menunjukkan sikap yang justru dibenci org yang kita kasihi,dan jangan melakukan tindakan yang nekat sebab belum pasti dia berjodoh dengan kita

Penulis

Fendi ramanda

di copy paste dari Grub FB Komunitas Wawaluhan
17 February 2015 

UTUH BERUMAH TANGGA part V

Bismillaah.. Kali ini findi pop hadirkan kisah romantika kehidupan
UTUH BERUMAH TANGGA part V
Uma utuh:mudahannai utuh bisa haja baulah anak..
Abah sheila:tenang haja uma utuhhai, utuh tu tapahurup salawar dalam gin wan sheila jadi anak,apalagi wan tampur tampurnya hahaha..
Uma utuh:(takalipik) beuh saraf,amun kaya itu aku handak bulik karumah..
Abah sheila:iyaakah,ayuai..
(Di dalam kamar)
Sheila:ayu dilakasi ka,sudah siap tampur nah..(Hungang)
Utuh:hadang dulu manjalanakan reaksinya jamu tangkur dulu,sabar coy amun sudah bereaksi kada usah disuruh lagi,nyata aku manyurung saurang pakai jurus masin jahit..
Sheila:beuh pandirnya haja..
(Ada satangah jam)
Utuh:nah nah nah sudah siapp tampur,ayu ding..(Babuat ka kalambu)
Sheila:kurrrrrrrrrr aaaaaaarggggh kurrrrrrrrr aaaaaaaaaaarggggg.. (Mangaruh)
Utuh:(takalipik)akayy taguring inya,ui ding ding ayu kita kemon..(Manggarak)
Sheila:kurrrrrrrr aaaarrrgggggh kuurrrrrr aaaaaarggggh.. (Mangaruh banar)
Utuh:beuh curut taguring inya,homaa basalawar levis pabila dipakainya,asli upau malam pertama ni,haduuuh reaksi jamu kamana mambukahakan nih,waduh waduh waduh lalu mauuk..(Nganga nganga)
(Esoknya,di ruang makan)
Uma sheila:haw kanapa kadada yang mandi wajibnya nih..
Abah sheila:iih bangun guring langsung makanan..
Sheila:pertempuran gagal malam tadi..
Utuh:sheila ni pang ma ai gagilaan ulun ditinggalakannya guring..
Uma sheila:beuh macam mana pula lah itu..
Sheila:dihadangi kalambatan,sudah siapp lapangan aur bajamu,imbah minum mahadang reaksinya jeyy,sawat mangantuk mata,pada guring ha,asli saraf..
Utuh:situ nang saraf ,wajar haja persiapan dulu,timbul aku nang mauk sudah bereaksi jamu, lawan main maka guring..(Masam muha)
Abah sheila:sama pada lingu baabutan, ayu tuh kita ka toko..
Utuh:hari ini ulun kada umpat dulu bahhai,handak tampur dulu..
Abah sheila:(takalipik)beuh kada mahadang malamkah..
Utuh:kada,ayu ding kita ke kamar..
Sheila:siapa takut..
(Langsung masukan kekamar)
Abah sheila:waduuh sama pada siwah..
Uma sheila:akay akay akay asli gagilaan,ayu abahnya kita ka toko..
(Tulakan,surinya bulikan)
Uma sheila:sheila uiii sheila..(Bakiyau)
Abah sheila:waduuh kamanaan urangnya..
Uma sheila:sheilaaa..(Bakiyau)
(Kada lawas kaaluar batingkaung)
Sheila:napa ma..
Uma sheila:(takalipik)homa kanapa ikam sheila..
Abah sheila:(takalipik)waduuh diapai utuh ikam sampai kada kawa bajalan..
Sheila:lucut ma ai tampur kada baampihan ka utuh,manyarah sudah iyaa masih haja manambah..(Hungang)
Abah sheila:(takalipik)curut utuh nih,anakku sampai KO..
Utuh:kabanyakan minum jamu bahhai..(Nganga nganga)
Uma sheila:jamu diuntaaal dasar lingu..
Utuh:kada kawa ai ma ai sudah takdir.. (Hungang)
Abah sheila:(takalipik)beuh kanapa ta ka takdir..
Utuh:takdir bahhai tadapat jamu nang tokcer hehehe..
Abah sheila:linguu,barapa bungkus garang sakali maminum..(Sarik)
Utuh: 5 bungkus..(Hungang)
Abah sheila:(takalipik)busyeeeeeet banyaknya..
Uma sheila:(takalipik)homaaa mandai lucut anakku dapatnya,bajamu sakali 5 bungkus..
Utuh:mengubati kekecewaan gagal malam tadi pang ma ai,bahhai..
Sheila:iih tabalik aku nang bangai..
Abah sheila:asli satriiiiiiiiiiiiiiiis..
(Begitulah cerita utuh berumah tangga, sampai disini kisahnya,sampai jumpa dicerita yang lain)

Penulis

Fendi ramanda

di copy paste dari Grub FB Komunitas Wawaluhan
15 February 2015 

UTUH BERUMAH TANGGA part III

Bismillaah.. Kali ini findi pop hadirkan kisah romantika kehidupan
UTUH BERUMAH TANGGA part III
(Samuaan dibuat takajut ulih pesona cantiknya sheila,segala hinaan berubah menjadi pujian,sheila yang aur bakunyung di sungai,awak bakalahuk,katuju manangguk iwak julung julung,tampil bak seorang permaisuri raja)
Utuh:ding bungas jua pian dinglah amun sudah dipupuri..
Sheila:nang rajin tu pang ka kaya apa..
Utuh:amun rahatan balumba iyaa banar puraca, amun imbah tuntung mandi tabaik jua kakaya bigi katapi gkgkgkgk..(Mahapak)
Sheila:(takalipik)akay ada ada haja pian ni ka ai,bini di hapak dasar curut..(Sarik)
(buahan nang menjaga makanan)
Mama ifah:ui uma sheila,iwak garih habis,buahan surung sintak manaan nih..
Uma sheila:beuh iyakah,ui abah ijum garih habis ambillakan wadah buahan tukang masak..
abah ijum:homaa akulah disuruh,mat,din ambil iwak garih wadah buahan tukang masak,di mija makanan habis sudah..
Amat:(takalipik)curut aku disuruh,ayu kita barataan kasana maambil,jadi sama..
Udin:bujur tu mattai,si kimpus handak nyaman saurang haja malihat buyyit biduan banyanyi,kita disuruhnya..
Abah ijum:(takalipik)lingu prutis inya,ayu sudah..
(Maambil ka tukang masak)
Abah ijum:ui uma ratna iwak garih jar habis,siapakan lakasi..(Nganga nganga)
Uma ratna:beuh iyakah,habis sudah abah ijummai stok nya ,banyak banar sudah disurung,tinggal gangan haliling haja lagi nang balum disurung..
Amat:(takalipik)hah gangan haliling ada juakah,wah wah wah sudah 6 kali pang aku makan,tapi ini masakan favorit ni,jalas makan pulang..(Himung)
Udin:wuiiih siip banar ni rugi kada manambah makan ,2 angkatan gangan haliling ganap 10 kali aku makan..(Hungang)
Abah ijum:hehe aku amun kada 12 kali makan kada bulik dari acara,kalu mau balamak awak,ayu sudah surung nang ada dulu gasan tamu..(Cemungut)
Uma ratna:ukiiiii..
(Manyurungai buahannya,nganga ngangaan tamu undangan)
Pa rt:ubuy haliling di surung..
Bini rt:waduuuh asli kada bisa mangucup aku nah..
Nini kulimbit landu:amun kaya ini caranya paksa balapas gigi palsu dulu,bahujung tataguk gigi palsu rahatan bahimat mangucup ka haliling..
Uma sardi :sudah jangan banyak umung sikaaaat...(Mangaut badahulu)
(Hancap mangauttan barataan buahan tamu undangan)
Abah ijum:ai pina rami mangaut,bahujung habis ni stoknya baik umpat mangaut ha jua aku..
Amat:siip abah ijum,ane demen..(Cemungut)
Udin:pina kusung pang sudah dalam parut lawas rehat,sadang di isi pulang..
(Imbah tuntung mangauttan masing masing,langsung makanan, karicupan bunyi tamu undangan mangucup ka haliling)
uma ifah:homa hanyar ini aku malihat urang pangantinan gangan haliling disurung,karicupan bunyi hahaha..
Abah ijum:(mangucup)homa ngini kada tasiangi kada batatak hujung halilingnya,mandai kampap sampai tadarah gusiku kagancangan mangucup..(Takicing)
Amat:lingu siapa nang tukang siangi nih,banyak nang kada batatak hujung karungkungnya,baliuaran mangucup sakalinya kampap..(Masam muha)
Bini rt: aku kada bisa mangucup paksa diigut karungkungnya,kraaaach..(Maigut haliling)
(Di palaminan)
Utuh:ai pina rami buahannya bakucup haliling..
Sheila:ayu ka kita makanan jua..
Utuh:wah uki..
(Langsung turunan pada palaminan,mangaut ka nasi wan gangan haliling,bagabung wan buahan tamu undangan makanan jua)
Uma ratna:(takalipik)homaa pangantinnya makanan jua..
Uma utuh:waduuh manaan pangantinnya..
Uma sheila:(takalipik) busyeeet makanan jua pangantinnya..
Abah sheila:(takalipik)ubuy liwarram homa pangantin babiniannya makan sambil banaik batis ,ui sheila batis diturunakan,kaya diwarung haja makan mambari supan kalo kalihatan urang rastung di batis ,asli lingu pangantin maka umpat makan di mija tamu..
Sheila:tenang deddy,lagi asoy mangucup haliling,cup cup cup..(Mangucup)
Utuh:cup cup cup,wuiih ganal halilingnya maknyuuus..
Nini kulimbit landu: curut ta sinduk nang halus halus,lucut mangucup.. (Takicing)
Uma sheila:(manjanaki anak)waduh waduh waduh dua laki bini sama pada saraf,palaminan ditinggalakan,makanan inya..(Marma)
Uma utuh:sudah bro yang panting sikaaaat duit amplop..(Mambuat ka kantong)
Abah sheila:waduh kanapa dibuat dalam kantung bus,buat di kendi..
Uma utuh:ai iih kada ingat hehehehe.. (Mambulikakan ka kendi)
Uma sheila:beuh handak kacak saurang hajakah..(Masam muha)
Abah sheila:kaina kita bagi duitnya gasan belanja ke mall..
Uma utuh:wah ukii..
Utuh:uiii duit amplop tu gasan ulun barumah tangga..
Uma sheila:ganang hutang cooy 26 juta..
Utuh:(takalipik)akaaay ngerinya..
Uma utuh:ayu tuh,sheila baganti suap wadai pangantin..
Sheila:ayu ka..
(Manatak ka wadai bolu umanya utuh)
Utuh:homa nyamannya..(maambil pakai tangan)
Sheila:marasai pang jua.. (Manyulum satatakkan)
Uma utuh:(takalipik)curut pakai tangan,ubuy sing ganalan manyulum..
Abah sheila:(takalipik)waduuh dasar sama siwah utuh wan sheila ni..
Nini kulimbit landu:minta pang bus..(Managuk liur)
Abah ijum:aku minta jua..
Uma utuh:kabagian haja kaina,sabar haja..
(Babagi ai ka wadai barataan)
Nini kulimbit landu:dasar nyaman wadainya,tuuuuut atuuuuuut buuush..(Bakantut)
Abah ijum:lingu bakantut inya..
Amat:asli gila maka pas aku dibalakangnya..(Bapicik hidung)
Abah sheila:curut siapa bakantut nih bau tawas..(Bapicik hidung)
Uma sheila:dasar hidung kampap,bau tawas jar,ini bau bala liwar sangak..
Uma ratna:beuh kada jadi aku makan wadai,jalas barikit ka wadai aroma lepas bebas..(Bulik)
Utuh:gila nini nih,bakantut pas di acara bamakanan wadai timbul kacau..(Sarik)
Nini kulimbit landu:yang kada handak wadainya aku mamakannya..(Mamakan banar)
Udin:hahaha diakali sidin,urang malapas ka wadai sidin manyikatnya,aku kada tahuai biar bau sadu tatap ku taguk..(Bamakan banar)
Abah ijum:beuh saraf udin nih,sama banar wan nini kalakuan, ayuu bulikaaaaaaan..
(Akhirnya pestapun berakhir,bagaimana kisah bulan madunya,nantikan hanya di kowa, amun dikatujui haja masih kusambungakannai,tergantung dari respon pian di like wan kumint)
Maaf agak lambat posting,mengingat ada kesibukan jadi santai mainnya,sekalian biar admin lain berperan serta lagi mengisi kekusungan kowa

Penulis

Fendi ramanda

di copy paste dari Grub FB Komunitas Wawaluhan
5 February 2015 

BUNGA WARUNG

Bismillaah.. Kembali findi pop menghadirkan kisah cinta yang mendayu dayu
BUNGA WARUNG
(Kisah ini diawali waktu buahannya bulik kamping lagi dijalan bamutur bulik bapandiran)
Amat:mantap coy hahay,kaina kita kamping pulang supaya pikiran fresh..
Abah ijum:haaku mimang hubby berpetualang buahannya ai,bahari apa nang kada bisa kudatangi,samuaan sudah ku jelajahi..(Sambil baruku)
Amat :beuh kisah harat,tulak ka banjar haja kada ingat bulik,nang kaya urang lingu hahaha..(Mahapak)
Utuh :hahaha asli mattai ,nang kita bacari batu cincin semalam baingkut banar wan aku gair kalu tapisah,kisah jiwa petualang gkgkgkgk..
Abah ijum:(takalipik)curut balum tuntung bapandir,nyata ai sudah tuha ni,nang ku kisahakan ni waktu lagi anum kalangkala ai..(Sarik)
Amat:uh iyakah pus,kaluai..
Abah ijum:pus pus curut nih..(Sarik)
utuh :hahaha..(Pas cangang ka warung)
(Rahatan bapandiran marim bagasut utuh)
Ciiiiiiiiiiiiiiiiiiiiiit
Abah ijum:(tahangkup)buuugh,aduuuh dahiku,curut utuh ni marim bakajut..
Amat:(takalipik)gila tacium buyyit abah ijum aku,homa salawar bus bau masam..(Bapicik hidung)
Abah ijum :(takalipik)bunyulnya iwak samu nih aku dihapak, kanapa tuh marim bagasut..
Utuh:tu ada warung,ada binian bungas palihat ku tadi..
Abah ijum:wuiiih mantap tu,jiwa lelakiku terpanggil untuk menaklukakannya..(Agak)
Amat:musti ganang bus buyyit sudah kimpus..(Takicing)
Utuh :xixixixixi..
Abah ijum:(takalipik)curut ini ciri khasku wallai,justru ini daya tarikku..
Amat:(takalipik)beuh daya tarik nangapa,penebar aroma maka iya..
Utuh:sudah jangan basambatan,kaina kalihatan buahannya..
(Maundur ka mutur,hanyar bamandak,kaluaran buahannya hancap bukahan)
Binian:salaam kaka,waduuh ganteng ganteng dari mana ni..(Managur)
Binian 2:hmm pasti habis pikinikkan..
Utu:iyaa ding,kenalkan namaku utuh.. (Basalaman)
Binian:ulun nadhira safiya cukup dipanggil dhiera..
Binian 2:ulun aisyah..
Amat:aku amat yangai ..(Basalaman)
Abah ijum:aku jum cruse,tiiing..(Basalaman,mangijipi mata)
Amat:(takalipik)homa mangijipi mata,pina musti jum cruse jeyy kada jum pus lah hahaha..
Abah ijum:(takalipik)lingunya amat nih aur mahapak haja..
Nadhira:mau minum apa nih..
Utuh:aku kopi haja dingai..
Amat:sama dingai..
Abah ijum:aku energy drink..
Amat:(takalipik)homa lain minuman bus, iih asal bayar saurang ha..
Abah ijum:duitku habis sudah bayarakan tuhlah..
Utuh:iih ha..
Abah ijum:mantaaaaaaap..
(Maulahakannai nadhira wan aisyah ka banyu ,hanyar manyurung)
Utuh:(mulai manggumbal)ading,jalanan yang kulalui bahkan disepanjang hidup ini baru kali ini aku terhenti ketika memandang sebuah keindahan yang begitu mempesona, pancaran itu keluar dari aura wajahmu dhiera..(Syair kita pakai bahasa Indonesia)
Nadhira:hmm kaka makasih pujiannya..
Amat:ading aisyah,bulihkah aku meletakkan cinta sebesar dunia di hatimu..
Abah ijum:prrrph hahahaha,amun bakaramput tu disasadangi mattai,kawa dibaca amun baisi cinta jua kaya ikam tu paling ganal kaya pentol kurik gkgkgkgk..
Amat:(takalipik)gilanya kimpus nih,urang manggumbal malah mahapak..
Aisyah:Hehe pian badua baranak ni dasar luculah..
(Tabunciling amat wan abah ijum di sambat badua baranak)
Utuh:hahaha kaya itu pang aisyahhai buahannya ni kadang kadang pacar haja basamaan gkgkgk..
Amat:(takalipik)asli satris dimana manakah manyimpulakan aku wan kimpus nih badua baranak..
Aisyah:iih mirip, kalakuan sama, luang hidung sama ganal,dahi sama libar xixixi..
Abah ijum:(takalipik)homaa..(Nganga nganga)
Amat:(takalipik)beuh mamatii pasaran haja ni,gara gara tabawa kimpus nih..(Masam muha)
Abah ijum:(takalipik)curut aku disalahakan..
(Kada lawas ada badua lakian datang)
Lakian 1:ding energy drinklah..
Lakian 2:aku campur susu..
Aisyah:iyaa,ulun maulahakan banyu dulu ka lah..
Amat:iyaa say..
Utuh:ding,pian sudah beisi pacarlah..
Nadhira:hmm kira kira pian pang..
Utuh:amun nang handak banyak pang,tapi balum ada yang cucuk kalu..
Nadhira:(senyum)hmm bisa jadi begitu..
Utuh:mimang ka utuh ni bukan laki laki yang sempurna,tapi setidaknya ketika aku mencintai seseorang,sedapat mungkin aku akan membahagiakannya,tentunya buat ading seorang..(Mangibit dagu)
Lakian:uii bus jangan tapi manggumbal banarlah disini,dhiera tu lirikan ku..(Manciling)
Abah ijum:beuh pina musti lirikan situ jar,muha kaya ubat nyamuk kisah ampunnya..
Amat:hahahaha..
Lakian 2:ui kai jangan banyak pandir kalu sakit bulik..
Amat :haw pina maancam,jagaukah situ..
Nadhira:sudah sudah,jangan bakalahi..
Utuh:ui bus,kami kasini kada handak mancari musuh,aku batakun,nadhira ni sudah menerima cinta ikamlah..
Lakian:balum,tapi aku sudah lawas handak..
Utuh:kada masuk akal amun ikam sarik kaya itu,kalu misalnya buahan ikam sudah bahandakan,atau ada ikatan jalas kami salah,tapi amun ikam sekedar malirik haja,semua nang baisi mata gin bisa melakukan itu..
Lakian:aku menunggu waktu nang tepat,hanyar ku ungkapkan..
Utuh:nadhira ini gadis cantik,siapapun yang melihatnya pasti menaksir,si kimpus nih haja,produk tempoe dulu baliuran malihat..
Amat:hahahaha..
Abah ijumn:(takalipik)gila utuh ni,aku diulah cuntuh..(Sarik)
Utuh:artinya urang kada pintar,hati handak biniannya bungas tapi badiam haja..
(Langsung badiri 2 lakian tadi)
Apa yang akan terejadi,dan intrik apa yang akan ditampilkan dikisah ini
,insya Allah aku sambung paling lambat esok amun dikatujui kisahnya,amun kada kita pagat sampai disini,kita tampilkan kisah lain
Pesan:bila kita menaruh hati terhadap seseorang,jangan berlama lama menahannya,ingat bunga yang mekar akan banyak kumbang yang ingin memetiknya,jangan sampai didahului orang,dan kita pada akhirnya hanya gigit jari

Penulis

Fendi ramanda

di copy paste dari Grub FB Komunitas Wawaluhan
16 February 2015

UTUH BERUMAH TANGGA part II

Bismillaah.. Kali ini findi pop hadirkan kisah romantika kehidupan
UTUH BERUMAH TANGGA part II
(Tauling kuitan malihat kalakuan anak,tapi jar utuh biar sederhana dimulai dengan bismillaah,niat baik jalan baik,harapan baik)
Uma sheila:nah asa kada ingat manakunakan masalah jujuran, barapa pian maandak umanya utuh,sudah nang dikasakkakan ka pagalangan anakku galang bahar haja,kada kawa ditutukarakan ka daging netu..(Takarasut muha)
Uma utuh:tuh barapa ikam manjujur sheila..
Utuh:ulun ni waninya cillai manjujur sheila 30 juta..
Uma sheila:(takalipik)akay akay akay kababanyakkan,hakun banar aku tuhhai..(Himung)
Abah sheila: (takalipik)wuiih netu nang siip,akur banar aku tuhhai..
Utuh:tapi simpanan ulun nang ada ni ada 4 juta annya pang,jadi bahutang dulu wan pian 26 jutanya,kaina imbah suksis hanyar ulun bayari..(Nahap muha)
Abah sheila:(takalipik)curut ikam ni tuhhai,bahutang jua hujungannya,iih amun suksis amun kada pang,pada preaaai ha..(Masam muha)
Sheila:kada papa jua bahhai hutangi ha,banyak kalu baduit imbah bajual kalutuk talu buah..
Uma sheila:hutangi ha abahnya ai,tapi ingatlah salama bahutang,imbah kawin kada bulih batagih ma adon wan sheila..
Utuh:(takalipik)akayy ngerinya..
Abah sheila:hahaha harau bujur tu..(Himung)
Uma utuh:amun kaya itu tuhhai kisahnya,urangnya kawa dikawini,pas malam partama handak ma adon paksa bawa batayamum..(Sisit hidung)
Uma sheila:xixixixixi..
Utuh:ayu sudah ma ai,kita bulikan..
Sheila:sabar pap yang panting kita batatai di palaminan,sual adon maadon gampang kaina..
Abah sheila:beuh saraf umpan karangga ni pina samangat banar,wan hintalu buaya mauntallai kalu sheila..
Sheila:buaya nya gin ulun kunyah bahhai demi cinta..
Abah sheila:(takalipik)homa ngerinya..(Marma)
(Pas parak harinya utuh mahambur undangan,pas batamuan wan buahan amat,abah ijum di pos jaga)
Utuh:ui buahannya nah undangan kawinku datanglah kaina..
Amat:wuiih kawinkah ikam rancana tuh..
Utuh:yo i,indah aku kalawasan kaya abah ijum sawat bakararaban banda..
Abah ijum:(takalipik)curut utuh ni,aku dihapak..
Amat:hahahaha..
Abah ijum:ada jua hanyar sakali kawin sudah baagak, aku nang 23 kali menduda haja santaiai aku..(Baagak)
Utuh:nah ini mattai sebagai cuntuh nang parlu di kaji,urang nang kadada mamiliki cinta sejati aur bapikir babini haja,imbah muyak bubar,bacari pulang,tuha nya tinggal kenangan, sendiri berteman sepi..
Amat:asli bujur tuhhai..
Abah ijum:(takalipik)gila ikam ni tuhhai,semua nang terjadi disababkan juduhnya habis tuhhai,bubar,wan ada jua ditinggal mati aku..
Amat:nang bubar barapa kali abah ijum..
Abah ijum:ada pang 20 kali..
Utuh:beuh banyak bubarnya,cuba setia haja wan pasangan,kada bakalan nang kaya ini nasib pian abah ijummai diusia senja..
Abah ijum:cakah muha kisah malajari,aku mun handak gin kawa ai masih babini nang anum,aku kulir banarai..
(Datang ratu per film man dunia )
Nini kulimbit landu:caah buhung,aku haja kadada manaksir wan abah ijum tu..
Amat:hahaha,iyakah buus,hen abah ijum nang tuha haja kada handak wan situ,apalagi nang anum..
Abah ijum:curut siapa jua nang handak wan pandikar tapih keramat netu..
Nini kulimbit landu:kadada lalu nang diunggulakan dari abah ijum ni,sudah kimpus,lubang hidung ganal sabalah ha pulang..(Mahapak)
Utuh:gkgkgkgk..
Amat:hahahaha lucu..
Abah ijum:(takalipik)beuh kisah bungas wariknya si buta dari gua hantu ni,bawa bacaramin bus,jangan marasa diri sampurna,padahal saurang uyuh pada urang..
Nini kulimbit landu:(takalipik)curut balaluan mambalas ha kawannya dora nih..
Amat:xixixixi..
Abah ijum:umung umung siapa garang calun bini ikam tuh..
Utuh:tu ada diundangan ngarannya, SHEILA GABIN BARANDAM
Abah ijum:hahahaha raja ngaran..
Nini kulimbit landu:gkgkgkgk aslilah tuh ngarannya..
Utu:asli jar sheila,waktu mangidam umanya aur handak marandam gabin haja..
Amat:sheila anaknya gaban kah tuh..
Utuh:iih..
Amat:beuh sesuai sheila nang katuju balumba di banyukah urangnya..
Abah ijum:hahaha amun wan sheila tu tuhhai kawin,bulan madunya di batang banyu haja,puraca haja diulahnya kalung gkgkgkgk..(Mangakak)
Nini kulimbit landu:2 kali taluluy tapih aku nah,lucut manawaakan hahaha..
Amat:talinga dikapurri tuhhai,kalu kapidaraan takawini ading deni manusia iwak hahaha..
Utuh:(takalipik)curut mahapak banar,baik bulik ha..(Hancap bulik)
(Mangakak tatawaan buahannya, pas tiba hari pangantin,buahannya asyik makanan)
Abah ijum:ui abah sheila,mana pangantinnya kadada duduk lagi di palaminan..
Abah sheila:ada ai,lagi di pupuri satumat lagi..
Amat:sadang utuh, nang dikawini nang katuju balumba di banyu..
Nini kulimbit landu:hehehe,inya ngaran juduh mattai kaya apa haja netu pang rahasia Ilaahi,bisa haja sheila tu punya kelebihan nang kita kada tahu,kita malihat banyak kakurangan,sedang dipandangan Allah inya banyak kalabihan nang bisa manutupi kakurangan pasangannya..
(Pas kaluaran utuh wan sheila,yang mimang kawinnya dikumpulakan dirumah sheila,tanganga an barataan)
Abah ijum:akay akay akay bungasnya bini utuh..
Amat :astaga netu sheila lah ubuy ubuy ubuy liwar bungas..
Nini kulimbit landu:(takalipik)curut amat nih,tapihku ditarik,mata cangang ka sheila,tangan manarik ka tapihku..
Amat:(takalipik)akay iyakah..
Tamu undangan:gerrrrrrr hahahaha..
Nini kulimbit landu:habis carik tapihku diruhutnya paksa..(Bukah banar)
Tamu undangan:hahahaha..
(Samuaan dibuat takajut ulih pesona cantiknya sheila,segala hinaan berubah menjadi pujian,sheila yang aur bakunyung di sungai,awak bakalahuk,katuju manangguk iwak julung julung,tampil bak seorang permaisuri raja)
Bagaimanakah kisah selanjutnya,kehidupan rumah tangga utuh,kisah bulan madunya,semua akan kita tampilkan di season selanjutnya, tentunya melihat respon buahan pian di like wan kumint pian,biar ulun tahu seberapa minatnya pian wan kisah ini,wan yang online

penulis

Fendi ramanda
di copy paste dari Grub FB Komunitas Wawaluhan
1 February 2015