Cinta utuh di tulak

Bismillaah.. Findi pop hadir mambawaakan kisah cinta yang menelan pil pahit ujaaaaah

Cinta utuh di tulak

(Disekolahan)

Utuh:din siapa ngaran binian nang dudukkan wan kawannya netu,rambut sebahu..

Udin:netu ngarannya sarah tuhhai,kanapa tuh naksirkah,bungas urangnya tuhlah..

Utuh:iih dinnai,inilah keindahan cahaya jingga senja din,dan diwajahnyalah tempat bertahtanya segala keindahan, subahanallaah,naksir aku dinnai..

Udin:beuh ikamni tuhhai,aur ikam ha nang naksir,aku pang sakakali..

Utuh:ini terakhir dinnai,ampih aku maanu binian lain..

Udin:bujuranlah..

(Hari hari sisarah ni kada luput dari pandangan utuh,rupanya cinta sudah tatanam dihati utuh,bila siang jadi cacarian ,bila malam jadi impian utuh,suatu hari utuh mamaraki si sarah)

Utuh:hai sarah apa kabar..

Sarah:hmm iya kabar baik,kaka ini parlu wan ulunkah..

Utuh:iya jujur aku ni sudah lawas mamandam parasaan suka wan ading,tiap malihat ading seolah olah aku barada di tepian telaga yang amat teduh,tapi bila ading jauh dipandangan,biar ditempat ramai tatap hati asa sunyi..

Sarah:hahaha pian ni ada ada haja jangan lebay pang...(Hancap bajauh)

Utuh:akayy ditinggalakannya aku,maka banyak lagi rayuan nang balum dikaluarakan sudah dihapali samalaman..(Hungang)

Udin:(baparak)kaya apa tuh pamandirannya ukilah sudah,hahay janjilah mantraktir makanan..

Utuh:jangankan uki,marayu haja tapagat ditinggalakannya aku..

Udin:gkgkgkgkg kasian deh lu,datangi karumahnya malam kaina tuhhai pas malam minggu..

Utuh:uki dinnai..

(Malamnya datang utuhni baelang karumah sarah)

Sarah:hah pian kah ka,baapa kasini..

Utuh:(gugup)a aku handak baelang banarai karumah ading..

Sarah:maaf ka lah ulun handak tulakkan wan mama ulun shoping ke mall,kaina baasa haja gin..

(Kada lawas mama sarah bakiyau)

Mama sarah:sarah sadang sudah guring..

Sarah:enggih ma..

(Hancur hati utuh mandangar,urang nang dihandakinya badusta,jauh jauh datang ternyata kada dihargai,tagugur kambang nang dibawa)

Utuh:aku permisi dingai..

Bulikkai utuh,hancap sarah manutup lawang,lamah awak bajalan menyimpan kakaciwaan yang dalam

Utuh:tiga ikam ding,kanapa aku bagitu mancintai ikam,kutawarkan segala keindahan cinta tapi kanapa ikam kada tatahu wan aku,asa dikarukut bidawang dadaku,kaciwa rasa dikacak kacak muhaku di acuhakan ading..

Beberapa hari utuh kada sakulah,pas turun pulang kasakulahan langsung mandatangi sarah

Utuh:ding tulung dangarakan aku ding,aku ni bujur bujur sayang wan ading,wan cinta,tapi kanapa ading saulah ulah kada paduli wan aku..

Sarah:ka utuh punya hak untuk mancintai,tapi ulun juga punya hak mamilih,nang ngaran cinta itu kada samudah mambalik talapak tangan, perlu waktu,perlu saling mengenal,perlu penjajakan,tapi ka utuh saparti balalakasan,terlalu taburu buru..

Utuh:jadi sampai kapan aku mahadang jawaban dari ading..

Sarah:sampai didunia ni kadada lagi lalakian..(Hancap bajauh)

(Bagai disambar patir,utuh takajut mandangar jawaban sarah,babinian nang diharapakan bisa manjadi kawan bahagianya,sakalinya manghina dan manulak utuh,datang udin)

Udin:kita bulih haja mancintai urang tuhhai,tapi jangan sakit hati bila jawaban kada sasuai harapan,ayuha mudahan ada baiknya haja kaina kawannai..

Utuh:hmm bujur jua jar ikam dinnai,kada salamanya niat baik tu babalas dangan kabaikan jua,kadang manyakitkan,mudahan suatu saat kaina sarah akan manyasali keputusannya,sudah mangaciwakan urang nang bujur bujur cinta wan inya..

(Akhirnya utuh balapang dadaai,sisarah seperti burung nang lepas,cantik tapi ngalih ditangkap,bahanu mata manyirit utuh,tapi kada wani lagi mamaraki,sisarah babinian nang dihandakinya kada tatahu muha wan inya)

Inggan situ dulu,mun di katujui kusambungakanai ke season selanjutnya

Penulis

Fendi ramanda.

di copy paste dari Grub FB Komunitas Wawaluhan 
24 November 2014