Rerrenku sayang rerrenku diambil urang

Bismillaah.. Kembali findi pop hadirkan kisah mandayu dayu
Rerrenku sayang rerrenku diambil urang
(Saat itu utuh lagi bapandiran sarius wan ciwi bangaran rerren merella)
Rerren :apa ka utuh yakin handak barpisah wan ulun..
Utuh:amun kita tarusakan hubungan kita,malah akan samakin kacau,kaluarga pian pasti menentang bulat bulat,secara bukan ka utuh yang menjadi harapan nang mandampingi hidup pian kelak..
Rerren:terus..
Utuh:turuti ha kahandak kuitan pian manikahakan pian wan juduh pilihan sidin ,disiasati imbah sabubulan minta bapisah ading,alasan kada cucuk,imbah bapisah, ading kembali wan ka utuh,mantap kalu ide netu..
Rerren:tapi nang ngaran dikawini urang,jalas waluh ulun di ubuk ubuk urang..
Utuh:(takalipik)akayy asa marma mandangar,biarai sudah urang dapat nangkanya aku dapat gatahnya,asal dapat ha dari pada upaw sama sakali asli pancangan lingai lalu alias peraiiii..(Masam muha)
Rerren:jadi pian mau hajakah manarima ulun apa adanya ka..
Utuh:iih demi cinta kita sayang, ku tunggu balumu..
Rerren:jaaaaah ulun taharu mandangarnya ka ai..
Utuh:kaka akan menantimu di taman rindu huney..(Maragap)
Rerren:uh ka utuuh hiks hiks ulun sangat mancintai pian ka,rasa damai hati ulun dipalukan pian,walau katiak pian manyangat banar liwar babau masam..(Takarasut hidung)
Utuh:(takalipik,dalam hati)saraf sudah handak ditinggal kawin,dihapaknya pulang aku..(Maragap banar)
Rerren:uhuk uhuk uhuk..(Batuk)
Utuh:haw kanapa ding..(Malapas ragapan)
Rerren:tulin babau sangak ka ai katiak pian..
Utuh:(takalipik)akayy iyaakah,tapi bagus itu ding,biar pian salalu mangingat ka utuh dari aruma yang tacium..
Rerren:(takalipik)kaya apa handak malupaakan,luang hidung ulun takajal dikatiak pian,satahun kada hilang traumanya..(Marma)
Utuh:(takalipik)aya ya ai...
Rerren:ka ,barat ulun maucapakan ini,tapi tapaksa ulun ucapakan,salamat bapisah kaka,samuga kalak kita bajuduh hiks hiks hiks..(Tatangis,manyapu banyu mata wan karudung paris)
Utuh:ayuha dingai,aku akan salalu manunggumu..
(Akhirnya utuh wan rerren merella bapisah,imbah itu banikahan,si utuh ni umpat jua saruan)
Abah rerren:ayu panghulu sadang sudah di bacaakan akadnya..
Panghulu:ukii,jarwo ikam sudah siaaplah..
Jarwo:sudaah buuuss..
(Babacaan akad nikahai,imbah tuntung kaluar rerren merella ba kabaya)
Utuh:(cangang,dalam hati)harau bungas banar ading rerren ih..
(Mananda tangani surat nikah,pina balirikan rerren wan jarwo)
Utuh:(dalam hati)beuh curut kanapa rerren pina balirikan banar wan lakinya,ba sanyuman,maka kada katuju jar,asli siwah..(Nganga nganga)
(Imbah tuntung banikahan,lawas kada talihat si rerren)
Utuh:beuh 2 bulan sudah mahadangi,kadada buriniknya lagi si rerren,asli kadada cungul cungul gasan kambali ka palukanku,tapi apapun yang tarjadi tatap ku hadang..
(Batahun tahun utuh manunggu dengan sabar,sampai 30 tahun,tanpa sangaja,batamuan di pasar iwak)
Utuh:ai ading..
Rerren:hah ka utuuh..
Utuh:waduuh ini ading rerrenkah,pina balamak banar awak,gulu pina bahandap,landau kakaya batang,amun muha masih pinandu pang aku..(Nganga nganga)
Rerren:(takalipik)curut jujur banar manyambat, ini bujur ka utuh kalu,akay akay akay bahubankah ka sudah rambut kaya parupuk,gigi umpungan,batis bakalahuk,parut mambungkak..
Utuh:(takalipik)asli jujur banar jua inya,pian ini kanapa kada datang datang,ka utuh maka am mahadang sing lawasan,sampai ini kada sing binian..
Rerren:maaf ka ai,sakalinya lalakian nang dijuduhakan wan ulun ganteng kaya arjuna,ulun timbul jatuh cinta,wan awaknya harum kada kaya pian liwar masam,akhirnya ulun malupakan janji janji,wan jua bapisah wan laki parbuatan nang kada disukai Allah asa kada wani ulun kalu katulahan wan laki,maka surga istri ada pada ridhu suami akhirnya ulun tatap mamilih laki ulun ,maafai ka ai ulun bulik dulu,handak mamasakakan gangan haliling gasan laki..(Bulik)
Utuh:(takalipik)curut diwaluhinya haaku,sia sia mahadang kada sing binian,nang dihadang sakalinya injuy haja wan pilihan kuitannya,beuh mana sudah tuha banar umur jalas kada sing payuan lagi,pacar maka am diambil urang..(Nganga nganga)
(Janji bukan kata kata pasti,amun pacar tu balaki,atau babini,paraya dihadang,baik bacari baasa,saurang nganga nganga manunggui urang maka am injuy barait)
Segera hadir penunggu telaga III, like n kumint biar cemungut baulah kisah

Penulis

Fendi ramanda

di copy paste dari Grub FB Komunitas Wawaluhan
30 Agustus 2015