Cinta utuh buat nabila

Bismillaah..kembali findi pop menghadirkan kisah cinta utuh yang lucu dan romantis

Cinta utuh buat nabila

(Disakulahan sma mawaluh)

Ibu guru:anak anak,hari ini kita kedatangan murid baru,pindahan dari sma gangan keladi..

Utuh:amun lajuk,jangan dimasukakan ka kalas ni buai,mamauki haja kaina..

Amat:iih bujur bu ai,amun ciwi ukiilah hahay..

Ibu guru:beuh pina musti,nang ada haja kadada nang handaknya wan situ,preeet..(Manjunggingi buyyit)

Utuh:(takalipik)akayy,kada tahu lagi pian ni mun ulun sampai tebar pesona,jangankan binian bungas,nini nini gin minta pacari..

(Mangakak tatawaan murid)

Amat:hahaha,termasuk nini kulimbit landu lah tuh..

Utuh:(takalipik)beuh mun netu kacak haja ikam mattai Ogorannya..

(Kada lawas ada nang bakatuk lawang,masuk babinian liwar langkar)

Binian:assalamu'alaikuum..

Guru:waa'alaikuum salaam masuk nabilla..

(Mandam utuh tadiri mancangangi,maginnya amat sampai titikan liur)

Utuh:akay akay akay,ini baru ciwi,inilah gadis impianku..

Amat:uway uway,manusiakah hantukah ni,liwar langkar..

Ibu guru:ui buus sapui liur tu nah titikan..(Sambil bagaru buyyit)

Amat:(takalipik)beuh liwar kabubungasan pang buai terkesima jar lagu Rhoma ..

(Tatawaan murid barataan)

Ibu guru:terkesima sih bulih mattai tapi jangan bangangaan,iya titikan liur ,ayu nabila perkenalkan diri..

Nabila:perkenalkan namaku nabila,mulai hari ini aku sekolah disini..

(Baparak utuh)

Utuh:ding kenalkan,ngaranku utuh..(Basalaman)

Nabila:ulun nabila ka..

Utuh:ading,selama ini ka utuh merasa kada tertarik wan siapapun,kadang ka utuh bingung,bukankah manusia perlu cinta,tapi cinta begitu hambar bagi ka utuh,sempat ka utuh berkeluh kesah wan Tuhan,kenapa hal ini menimpa ka utuh,ternyata rencana Tuhan sangat indah,kehadiran ading telah menjawab semuanya,bahwa adinglah gadis yang dipilihkan Tuhan buat ka utuh..(Manggumbal lelaki jantan)

Murid:prok prok prok..(Baampikan)

Nabila:(senyum)hmm pian nih bisa banar..

Ibu guru:jangan didangari nabilaai,gawiannya manggalau iwak,batis haja bakalahuk..(Kada tatahu muha)

Utuh:(takalipik)beuh,biar manggalau buai gawian ulun tapi Allah Ridho,dari pada ulun hidup bermewah mewah tapi dari hasil kada halal misalnya nangapa habar,azab Allah sangat pedih buai..

Ibu guru:(takalipik)iih bujur pang,tapi ayu badiri sana,marayu binian kada di tempatnya,ini sakulahan....(Sarik)

Utuh:waduuh badiri jeyy, balaluan kekuasaan ha di pakai liwar tega..(Masam muha badiri)

amat:hahaha,kana hukum kah tuh, aku ai pulang nang manggumbal..

Aluh:cubaakan mun wani,mun handak sepatuku ni ka dahi,handak maulah aku cemburu..(Sarik)

Amat:(takalipik)akayy,jangan kaya itu dingai,ka amat biar ada binian lain,tatap pian nang paling ka amat cinta..(Mangibit dagu)

Murid:cieeeee cieeeee..

Ibu guru:ui tungau,badiri sini jua,datangi habitat ikam ular kadut tu,disakulahan barayuan liwar lalu..

Utuh:(takalipik)beuh kana lalu,dipadahakannya ular kadut aku..

Amat:asli siwah babanaran badiri jua aku sakalinya..

Ibu guru:nabila ikam duduk di higa aluh,basabarangan wan utuh ni..

Nabila:iya bu..

Amat:akay akay tuh,jalannya nang kaya mudil,wan buyyitnya ubuy ubuy kaya daun baguyang ditiup angin..(Baliuran)

Utuh:liwar mantap ni..

Ibu guru:anak anak kita buka buku paketnya..

Utuh:(bapandir nyaring) ading nabila,samuaan disini mambuka buku paket,sedang aku membuka hatiku gasan ading sa urang..

Murid:ciee ciee..

Ibu guru:masih haja marayu gulaan cucuk ni..

Utuh:kada kawa ai buai,kehadiran nabila sudah memberikan senyum bahagia buat hidup ulun..

Ibu guru:jangan talalu pidi tuh,kaina mun kaciwa pancangan sakit banar..

Nabila:ibu benar ka utuh..

Utuh:cukup sekali nabila tersenyum buai gasan ulun,sayatan mata pedang merobek dada ulun,kada akan terasa sakitnya..

Murid:prok prok prok..(Tatawa)

Ibu guru:akayy dimana ikam baguru tuh,bisanya manggumbal..

Utuh:wan admin fendi ramanda adminnya kowa..

Ibu guru:beuh nangitu kah,cucukkai,aku haja tajalapak dapatnya..(Buka kartu)

Amat:hahaha,maakui sidin..

ibu guru:mencintai itu bulih tuhhai,tapi jangan terlalu dalam..

Utuh:kada akan terasa indahnya cinta bu ai mun kada sepenuhnya kita mencintai..

Ibu guru:sudah sudah,ayu kita mulai belajaran..

(Utuh aur malirik nabila haja,bahanu bacacangangan,tatunduk nabila supan,guru aur tauling haja malihatakan)

(Inilah cinta datang bisa tiba tiba,dan kapan haja,nantikan episode selanjutnya,mudahan terhibur)

Di like,di kumint nyaman kita sambung pulang,supaya kowa makin ramii

Penulis

Fendi ramanda

di copy paste dari Grub FB Komunitas Wawaluhan
6  Mei 2014