CINTAKU KAYA KARACAK HAYAM part IV

Bismillaah.. Kembali findi pop hadirkan kisah cinta yang mendayu dayu di padu tentang baktinya seorang anak wan kuitan

CINTAKU KAYA KARACAK HAYAM part IV

(Malamnya utuh sambahyang isya,imbah tuntung ba wirid,sakalinya kada marasa taguring di atas sajadah, bamimpi utuh, di dalam mimpi utuh ditamui arwah abahnya)

Arwah abah:tuh ui tuh napa pina sadih nak..

Utuh:ai abah kah ni..

Arwah abah: i ih nakkai,kaya apa habar uma ikam tii tuh..

(Manangis utuh)

Utuh:hiks hiks banyak banyak minta ampun ulun bahhai,ulun tii balum bisa mambahagiakan uma,mawujudkan impian uma malihat ulun barumah tangga bahhai, pacar saiikungannya kawin maka wan urang, di sababkan tasugih urang bahhai..

Arwah abah:ikam tii nakkai sudah babakti wan kuitan,sugih hati ikam nitii nakkai,inya nakkai apabila dalam hidup ni kita mengejar dunia maka akhirat akan menjauhi kita atau membelakangi kita,dan apabila kita mengejar akhiraat maka dunia akan merangkak rangkak di hadapan kita,pahumaan nang luas warisan abah tii adalah harta satu satunya buat dunia ikam, selain amalan surah al waqiah nang dibaca hari hari,insya Allah nakkai ikam kada kakurangan dalam hidup, dan baktinya ikam wan kuitan taat ibadah,ini akan menjadikan ikam manusia nang paling bauntung dunia dan akhirat,pahumaan nakkai pahumaaa nakkai..(Hilang)

(Tabangun utuh)

Utuh:abahhh,hah tamimpi sakalinya,apa maksud abahlah pahumaan pahumaan jar..

(Bapikir banar utuh,bangun pukul 2 langsung baudhu sambahyang tahajud,ba du'a mambaca surah yasin mangirimakan gasan arwah kuitan laki,shalawat wan fatihah 4,dibulikinya haja sampai subuh,sambahyang sunah fajar hanyar sambahyang subuh baimaman wan uma sampai tuntung)

Uma utuh:tuuh handak kamanang ikam tii tuh..

Utuh:ulun handak ka pahumaan,malam tadi bamimpi abah ma ai,mamandir banar wan pahumaan,napakah maksudh sidin,ulun handak mambarasihi sisa tanaman nang di panen,nyaman ditanami pulang..

Uma utuh:uuuh iyiih nakkai,ayuha..

(Imbah mancium tangan,maucap salaam ka kuitan, tulak utuh mambawa alat gasan mambarasihi pahumaan, imbah sampai taduduk utuh,kaingatan wan arwah kuitan)

Utuh:warisan abah satu satunya gasan manyambung hidup,pahumaan nang liwar dihina buahan kaluarga sheila,mudahan pahumaan ni jua kaina nang mamatahakan hinaan buahannya wan aku hiks hiks..(Titik banyu mata utuh mulai bagawi)

(Tiba tiba haja patir manyambar,rupanya do'a utuh du'a urang teraniaya du'a anak sholeh,du'a urang ikhlas di ijabah ulih Allah Yaa Robb,sewaktu utuh maayunakan alat tanjaknya pas masuk kadalam tanah,terdengar suara dentingan yang karas)

Utuh:(takalipik)hah ai kanapa pina karas..

(Bingung utuh, dicubanya ampah ka lain sama pina karas ka buncu ka hilir sama karasnya,titik paluh utuh)

Utuh:anihnya,kada biasanya kaya ini,mimang tanah pahumaan ni rancak sudah dipanin di barasihi,ku ambil cangkul pang ka rumah..

(Bulik utuh maambil cangkul ka rumah,imbah itu tulak pulang ka pahumaan,langsung dicangkul utuh, imbah lingai tanah nang lamah tadi,liwar takajut utuh ada jenis batu hirang)

Utuh:hah apa inilah,kakaya batu, ku titil pang..

(Di titil utuh liwar gancang, tapacah sadikit)

Utuh:waduh batu nangapa inilah,kada kawa dihumai lagi nangini,pina anih tahun tahun sabalumnya kada pernah kajadian kaya ini,kubawa bulik pang siapa tahu barmanfaat..

(Bulik utuhnya,pas dijalan batamu pa haji ahmad )

Haji ahmad : ui tuh datang dimana..

Utuh:datang di pahumaan pa haji ai..

Haji ahmad :ai pina sungsung bulik..

Utuh:iya am jiai nah,pahumaan ulun kada kawa digarap lagi jiai,satiap kali maulai alat handak mambarasihi tanaman nang sudah di panin,bila masuk kadalam tanah alat ulun ,pasti mendenting,rusak mata alat,sakalinya batu nangini didalamnya..(Manampaiakan)

(Imbah malihat haji ahmad liwar takajut sidin)

Haji ahmad :astaga ini tuhhai ngarannya batu bara,kaina ku talipun pang busku di jakarta,seberapa kadarnya,mun layak ditambang ditukarinya tu..

Utuh:(takalipik)masya Allah,iyakah pak haji,apakah ini dari makna mimpiku malam tadi,baah makasih banar bahhai, warisan pian tii barmanfaat banar,mudahan bujur batu bara netu hiks hiks..(Tatangis utuh)

Haji ahmad:ayuha tuhlah aku karumah dulu manalipun busku..

Utuh: enggih pak haji..

(Imbah utuh bulik,balaluan pak haji manalipun busnya pak iam di jakarta, esoknya sidin datang dari jakarta pakai pesawat pribadi, imbah ijin mendarat di bandara syamsudin noor,langsung menuju ka kampung utuh,imbah sampai pak iam wan anak buahnya tulakan wan haji ahmad, utuh ka pahumaan utuh)

Pak iam:siip kadarnya sangat bagus,coba adi kamu cek sama yang lain berapa luas lahan ini, apa sampai ke lahan urang..

(Di ceknya ulih anak buah pak iam,imbah tuntung)

Pak adi:aneh kenapa lahan batu bara ini cuma ada dilahannya saudara utuh,padahal tanah ini menyambung sama yang lain..

Pak haji ahmad: tuh, ini nakkai keajaiban Allah, Allah bisa saja maubah nasib sasaurang dengan mudahnya,sebab Allah itu maha kaya, jadi jangan heran,sebab ikam ini selain taat ibadah,wan jua bakti terhadap kuitan ikam..

Pak iam:setelah saya hitung hitung,berdasar penelitian anak buah saya menggunakan alat canggih, saya berani membeli lahan ini sebesar. 1 triliun..

(Langsung talukup utuh,sujud diatas licak)

Utuh: subahanallaaah walhamdulillaah walaailaahailallaah wallahu akbar, Yaa Robb hamba kada suah meragukan kekuasaanmu,engkau benar benar berkuasa atas segalanya..

(Imbah kejadian itu,tumbur urang kampung mandangar utuh sugih bakajut,nang marasa parak pahumaan balaluan gadabusan turun ka pahumaan)

Amat:beuh tuhuk sudah manabuk tanah,kadada talihat ada batu baranya, nang ada cacing maka kariwitan hiiih..(Kabuliyangan)

Udin:asli gagilaan,tinggalam awak kadadalaman manabuk jangankan batu bara,batu marin haja kada talihat..(Hungang)

Abah ijum:ai anihnya lah,kanapa wadah utuh haja nang babatu,wadahku kadada jua,tadapat kutang maka ada nah, ini nyata bakas ampun arwah bini bahari,kutangnya takirab di dadaian langpau..(Nganga nganga)

(Sampai jua ka talinga abah sheila)

Uma sheila:akay akay akay 1 trliliun pahumaan utuh ditukari urang..

Abah sheila:iih haji ahmad bakisah, maka urang kampung samuaan nang tuha tuhanya di umrohakan gratis ulih utuh..

Uma sheila:homa liwarram kababaikan akhlak utuh tu lah..

Sheila:beuh jaka kada kawin wan udin,nyata aku umpat jua jadi milyarder,ini asli sial lalu, takawini udin nang kuuitannya bangkrut usaha,asli timbul bajualan kalayangan haja lagi mambuka kios halus..(Takicing)

Udin:di tarima ai nasib tu dingai, nang pantingkan goyangannya tiap malam hehehe..

Sheila:(takalipik)beuh aur nangitu haja nang di ingatakan,karing cupu dapatnya seiring karing duit di dumpit..

Udin:(takalipik)akayyy..

(Imbah tulakan umroh wan urang kampung,bulik kabanua,Akhirnya utuh mambangun rumah liwar sugih di banua, bakolam renang,suatu hari baaruhan di rumah utuh manyalamati rumah ganalnya, di garasi basusun mobil utuh, selain mambuka usaha showroom mobil,utuh mambuka toko ponsel)

Pa haji ahmad:tuh ikam ni hidup sudah liwar sugih,kada handak babini kah..

Utuh:balum ada calon pak haji ai, amun babini liwar handak pang..

Warga: gerrrr hehehe..(Tatawaan)

Abah sheila: amun wan sheila masih handaklah tuh..

(Kebetulan uma sheila wan sheila saruan jua di dapur mandangar pamandiran)

Uma sheila:handakkai kalu tuhlah, ditangguk iwaknya tuhhai,kira kira sheilanya masih haja mau..

Uma udin:beuh anakku pang diulah apa uma sheila..

Uma sheila:tasarah sheila ai,diulah apa kah..

Uma udin:(takalipik) asli gagilaan..

Utuh:jangan kuatir mama udinnai, pantang bagi ulun manarima nang bangaran mantan,yang sudah pergi ya pergiai..

Sheila:(takalipik)akay paraiam..

(Kada lawas datang pak iam,beserta keluarganya wan anaknya nang liwar bungas)

Utuh:silakan pak masuk..

Pak iam: maaf nak talambat kami datang nah,menyambut anak kami tadi siang si aisyah di bandara datang dari mesir,hanyar lulus sakulah agama di sana..

(Bacacanganngan,basenyuman utuh wan aisyah)

Aisya:salaam kaka..(Kedua tangan di rampitakan maatur salaam)

Utuh:salaam ading..

Pak iam:aku mandangar pamadiran tadi, amun utuh handak,aku bersedia menjadikan utuh minantuku di kaluargaku..

(Liwar takajut barataan,basujud utuh wan kuitan dihadapan urang banyak)

utuh:maa juduh ulun sudah datang, ini do'a pian ma nang kabul..

Uma utuh:(mamusut kapala utuh)nak,ini nakkai buah dari keikhlasan ikam,ketaatan ikam,bakti ikam, Allah hadirkan juduh nang jauh dari bayangan ikam,liwar bungas,sholehah,wan anak urang terpandang dan alim..

Pak iam:aisyah apakah anaknda mau menikah dengan utuh..

Aisyah:ridho dunia akhirat ayah,aisyah mau..

Utuh:begitu juga ulun pak,bersedia memperistri aisyah..

Sheila:beuh parai am,kada handak lagi wan aku utuhnya..

Uma ifah :siapa nang hakun bakas urang,katuhukan dihina pulang, jar utuh peraiiiiii ..

Uma sheila:(takalipik)liwar kasusupanan kaya ini,mahina kada utuh,tapi asa kaya di pais muha..

Uma udin:bangaiam lundu,tasugih urang sudah,aku maka bangkrut usaha abahnya..

Udin:curut kanapa bisa tabalik kaya ini nasib lah..

(Akhirnya utuh kawin wan aisyah,bahagia wan tuntung pandang)

TAMAT

Pesan:inilah hidup Tuhan bisa dengan mudah memutar balikkan nasib manusia, sekali lagi kadada yang mustahil bila Tuhan berkehendak,mun ada nang mamadahakan mustahil berarti urang itu kada yakin dengan kuasa Tuhan

Kunci kebahagiaan dunia dan akhirat seorang anak ada pada Ridho orang tua,jadi senantiasa berbakti, mun sudah kadada kuitan dibabarasihi kuburan sidin,kirimi surah yasin, mudahan kita bisa menjadi anak yang berbakti dan dimuliakan Allaah aamiin

Kisah ini dipersembahkan buatmu ibu..

SELAMAT HARI IBU

(Buat yang share silakan tanpa bapadah pun diijinakan haja dengan syarat mun handak adminnya ridho sharelah dengan sumbernya komunitas wawaluhan dan nama penulisnya, biar urang tertarik handak gabung di kowa wan pian menghargai karya orang lain

Sampai jumpa lagi dikisah kisah ulun lainnya, ini tergantung like wan kumint pian agar ulun bersemangat menghadirkan kisah kisah yang pian katujui

Penulis

Fendi ramanda

di copy paste dari Grub FB Komunitas Wawaluhan
21 Desember 2014