Cinta utuh terhalang jujuran

Bismillaah..kembali ulun findi pop menghadirkan kisah cinta utuh yang romantis

Cinta utuh terhalang jujuran

Utuh wan gina lagi duduk di taman, bapandiran mengenai masa depan

Gina:ka utuh,kita ni sudah lawas manjalin hubungan,kadada tapikirkah handak maningkatkan ka arah nang labih sarius..

Utuh:ada haja pang dingai,tapi ading tahu aja kalu,ka utuh balum bagawi hanyar lulus kuliah..

Gina:sual rajaki tu ka ai urusan Allah,yang penting kita jalankan haja sunah Rasul tu, bila niatnya baik Insya Allah lancar haja tu kaina..

Utuh:ka utuh paham haja, tapi ading ini lahir dari kaluarga nang liwar sugih,apa haja nang di minta ading di panuhi ulih kuitan ading,sadangkan ka utuh ni kada,ka utuh handak makan pizza limping wara nang paling kawa dimakan,handak liburan kaluar daerah,paling gancang ka taman maskot kawanya,kaya apa kaina mamanuhi parmintaan ading..?????

Gina:masalah itu jangan dipikirakan,ulun paham haja,yang panting datangi dulu kuitan ulun,lamar ulun,masalah gawian bila sudah kawin umpat abah ulun,nyaman haja kaina ka ai..

Utuh:ka utuh ni cinta banar wan ading,sebenarnya berat ka utuh badatang wayah ini,tapi demi ading ayuha ka utuh esok malamar ading..

Gina:makasih ka utuh,ulun juga cinta wan pian..(Himung)

Esoknya datang utuh karumah gina,dihadangi gina, abah gina wan uma gina diruang tamu,gugup utuh pina maras

Abah gina: duduk tuh,ujar anakku ikam handak bapandir wan aku,jangan buang buang waktu,aku handak auran..(Sinis)

Utuh:begini pa,ulun datang kamari niat karena Allah,ulun handak malamar anak pian..(Langsung timbak)

Abah gina:(takalipik) apa, ikam handak malamar anakku, bagawi dimana ikam,wan pakai apa kasini tadi..

Utuh:ulun hanyar lulus kuliah,kasini tadi naik sapida mutur haja,ulun cinta wan anak pian,ulun ingin manjaga norma agama dari pada kalawasan bapacaran baik kami menikah..

Abah gina:bagawi haja balum,handak ikam makani apa anakku..

Gina:bah utuh datang kasini atas kainginan kami berdua,masalah rajaki kan gampang haja kaina,nang panting niat dahulu..

Abah gina:mattan lagi halus ikam ni nakkai patuh nyaman hidup,amun jadi jua takawin wan pampijit ni sengsara haja kaina,cuba mancari tu nang sadarajat wan kita, jangan nang babaya sangkut..(Manyinggung)

Utuh:maafkan ulun pa,ulun nang salah lain anak pian..

Abah gina: kaya ini haja,mun ikam bujuran handak wan anakku,aku minta jujurannya duit 500 juta tambah palaminan wan langkap saisi kamar,ditambah cincin berlian wan pestanya diadakan dihutel paling miwah dibanjarmasin,dan siapkan rumah mewah gasan ikam wan anakku tinggal imbah kawin..

(Takalipik utuh,balaluan tatunduk maras gina malihat utuh)

Utuh:(dalam hati) Yaa Allah dari mana aku mancariakan jujuran sabanyak itu..

Gina:abah, dapat dari mana ka utuh mun jujuran sabanyak itu..

Abah gina:aku kada mau tau,itu urusannya,aku kada handak ikam sangsara nakkai mun takawin wan inya..

Utuh:(lamah)adiing, ka utuh sayang wan ading,cinta wan ading,dan cinta ka utuh datang karena Allah, jika harus pergi pun juga karena Allah,anggap ini ujian,ka utuh sadar ka utuh hanya orang nang terlahir dari kaluarga sadarhana,tapi ketika cinta datang, siapapun kada akan bisa mangelak tarmasuk ka utuh yang jatuh cinta wan ading yang memiliki paras nang rupawan,baik hati,dan bahasa yang santun,tarlahir dari kaluarga nang terpandang,walaupun pada akhirnya kita kada bajuduh jangan kaciwa wan kaputusan kuitan ading,ka utuh du'akan mudahaaan ading bahagia kaina,jangan pikirkan ka utuh,kalu bisa padamkan cinta ading sesegera mungkin,sebab ka utuh.. ka utuh hiks hiks (manangis) kada akan bisa mamanuhi permintaan kuitan ading,dan mungkin ini hari tarakhir ka utuh dapat batatap muka wan ading nang ka utuh cintai,mudahan ading dapat juduh nang labih baik dari ka utuh,tantunya nang dirastui kuitan ading..

Gina:(manangis) ka utuh,maafkan ulun ka..

Utuh:sudahlah ading jangan manangis mudahan ini pilihan terbaik buat kita,bapak,ibunya gina,ulun muhun diri dulu,maafkan kalu ulun sudah pernah mencintai anak pian dari kaluarga nang liwar sugih ini, assalamu'alaikuum..

(Bulik utuhnya dengan membawa luka nang dalam,gina bukah kakamar,bapandiran uma gina wan abahnya)

Uma gina:nak utuh tu pinanya anak nang baik abahnyaai,dangarakan pandirannya santun cuma nasibnya haja balum baik..

Abah gina:biar ha wayah ini umanyaai duit nang bicara..(Bajauh dengan membawa keangkuhan)

Akhirnya cinta utuhpun tapagat,kaciwa utuh ni,malam liwar sunyi utuh taganang wan gina bulang bulik bajalan dihalaman rumah,handak manalipun ragu ragu,bak dibuangnya hapenya katanah

Utuh:mungkin sudah takdir kita dingai batamu bapacaran tapi putus di tangah jalan,kita pernah merencanakan sesuatu nang bahagia,tapi Tuhan jua nang punya katantuan..

(Dirumah gina)

Gina:ka utuh,hubungan kita mungkin sudah berakhir,tapi cinta ulun dari dulu,sampai kini bahkan hingga nanti,tatap gasan ka utuh saurang..

Walaupun utuh wan gina baisian cinta sedahsyat latupan gunung barapi,setegar karang dilaut,namun karena takdir cinta buahannya kada kawa disatukan,utuh pun putus asa dan bausaha mambuang sagala kanangan wan gina,begitulah kisah nang tahalang jujuran,kisah cinta nang mangharukan antara simiskin dan sikaya utuh wan gina..!!!!!!!

Penulis

Fendi ramanda

di copy paste dari Grub FB Komunitas Wawaluhan
17 Mei 2014