Nasib pangamin (PART 1)

Bismillaah.. Kali ini findi pop akan menghadirkan kisah nang mandayu dayu,hasil tarbanyak pilihan dangsanakku
Nasib pangamin
(di caritakan utuh ini tarlahir dari kaluarga miskin,uma utuh nang gagaringan manjadi tanggungan utuh nang kada ba abah lagi)
Suatu hari
Uma utuh:(batuk) uhuk uhuk,tuuuh haaaku bilaaang lucuuut kaya ini..
Utuh:ai kanapa ma..
Uma utuh:haaaku marasa kada kawa bigas lagi dari panyakit,maras aku malihat ikam nakkai,kada kawa mambayar spp di sakulahan,napang uma tii kada kawa bajualan nasi kuning lagi nakkai,duit tabungan ayam habis sudah gasan baubat kasana kamari..
Utuh:jangan dipikirakan nang kaya itu tiii ma ai,nang panting pian bigas dulu, sanyum uma adalah kabahagiaan ulun ma ai,kasadihan uma adalah tangisan ulun ma ai,sual masa dapan ulun rajaki ulun sudah di jamin Allah ma ai..(Hayu sanak hati utuh liwar baik wan umanya,mudahan kita dapat hidayah punya hati sabaik utuh)
Uma utuh:duit kita tii tuhhai bilang tinggal sadikit banar ,mayu gasan makan babarapa hari haja lagi..
Utuh:uma,mulai hari ini ulun putusakan ampih sakulah ma ai,ulun handak ka banjar haja nah bacari gawian..
Uma utuh:mandatangi admin fendi ramanda kah tuh,admin kowa..
Utuh:(takalipik)akaay kada ma ai ,pancangan diwaluhinya banarai ulun..
Uma utuh:jaah kada papa ah nakkai,bapadah haja ikam tii urang kandangan jua tu sabanua wan inya ,baik haja tu sambutannya..
Utuh:enggih ma ai,tapi ulun kada tahu dimana rimbanya..(Nganga nganga)
Uma utuh:jadi pang bagana dimanang ikam tii tuh mun di banjar tii..
Utuh: pian jangan khawatir ma ai ,pukuknya tulung du'a haja mudahan ulun dapat gawian nang tapatut,biar bagawi napakah asal halal..
Uma utuh:(tatangis)hiks hiks,uma tii tuhhai kada bisa pagat mandu'a akan ikam tii,mudahan ikam bahagia dunia akhirat tuhhai,apabila kaina ikam mandapati ujian nang barat,kada sasuai harapan,balapang dadalah,inya tuhhai Tuhan tii macam macam cara untuk manyayangi hamba Nya..
Utuh:aamiin,samantara ulun bulik acil thia nang mangawani dika dirumah..
Uma utuh:iyiiih tuhhai,wan ingat naklah jangan pagat sambahyang..
Utuh:(basujud di batis kuitan) inggih ma ai,banyak banyak minta ampun ulun ma ai hiks hiks,kada kawa mawujudakan cita cita dika supaya ulun kalak bisa jadi pagawai..
Uma utuh:hiks hiks uma ridhu nakkai,mungkin ini pilihan Tuhan nang tarbaik gasan hidup ikam kaina,barbaik sangkalah ikam wan Tuhan,bisa jadi dari kagagalan ini ada rancana Tuhan yang jauh labih indah..
Utuh:aamiin..
(Isuknya imbah utuh basalaman,bajalan ka muhara jalan bakawai taksi,babuatai)
lakian:handak kamana bus..
Utuh:aku handak ka banjar,bacari gawian..
Lakian:kanalakan aku amat..
Utuh:aku utuh..
Amat:jadi ikam ka banjar handak bacari gawiankah,mun kaya itu sama kita..
Utuh:iyakah wah sip ni..
Amat:dibanjar bagana dimana ikam..
Utuh:nah kada tahu jua lagi nah..
Amat:amun ikam hakun,kita wadah kawanku abah ijum,urangnya tuha pang, sidin bahari kawan waktu sama sama bajualan batu akik..
Utuh:iyakah waah ukiii..
(Kurang labih 3 jam bamutur,sampai ka banjar,langsung baujik ka rumah abah ijum,pas sampai)
Abah ijum:hahaha datang jua kawanku sakalinya,ini siapa mat..
Amat:ini utuh kawanku nang handak bacari gawian jua ka banjar..
Abah ijum:landu landu ulahakan banyu..(Bakiyau bini)
Nini kulimbit landu:lagi anyikat ngingi palcu makai nyikat napasan..(Pina kilum)
Amat:(takalipik)humaa bini piankah abah ijum netu..
Abah ijum:iih, sakit banar dapat paran ditakdir hidup haaku,kadada mimpi jadi dua laki bini lawan pandikar tapih karamat netu..(Takicing)
Utuh:hahahaha..
Amat:gkgkgkgk..
Abah ijum:asa supan haaku wan urang,bila taimbai bajalan, sahut sahutan garancaian bunyi tulang cupu..
Utuh:hahahaha..
Amat: gkgkgkgk..
(Datang nang bini)
Nini kulimbit landu:saraf abahnya ni,bini di hapak..
Abah ijum:meneketehe..
Nini kulimbit landu:haaku gin bilang padih hati,talaki situ,bila bajalan aur manyingsingakan salawar situu haja,napa aur taluluy haja,buyiit liwar kimpus..
Utuh:hahahaha..
Amat:gkgkgkgk,sadang kalakuan..
Abah ijum:(takalipik)harau buka kartu inya,ayu sudah ulahakan banyu sana..
Nini kulimbit landu:uki pap..
Abah ijuum: umung umung rancana bagawi apa buahan ikam,haaku handak umpattai jua,bini gagilaan lalu saminggu sakali baganti gigi palsu,kamana manakah malacungnya aur hilang haja,habis hujungan bajuual batu sapasial batukar gigi palsu haja ,bangkrut haaku..
Utuh:hahahaha..
Amat:gkgkgkgk..
Utuh:aku sabanarnya bingung,handak bagawi napa,kabisaan bilang kadada, dibanuai tii haakuu salain sakulah,ka pangajian,imbah abahku kadada lagi hanyar tapikir bagawi,gasan mambantu umaku nang gagaringan di banua..
Amat:aku gin tuhhai,bingung jua nah..
Abah ijum:apallagi haaku,dipikir pang tuh napa kabisaan..
Utuh:aku banyanyi banarai kabisaan..
Amat:aku bisa bagitar tuhhai,nah kaya apa mun kita mangamin haja..
Abah ijum:waah mantap,kaina aku tukang putiki duitnya..
Utu:wah ukii..
Amat:aku ada baduit sisa bajualan,kita tukarakan ka gitar..
(Imbah batukar alat,isuknya utuh wan buahannya mulai mangamin,pas saat itu ada buahan kanakkan sma makanan di lesehan pinggir jalan)
Mutiara: vanessa kaya apa si udin,ditarima juakah cintanya..
Habibah: urangnya gagah vanessa ai,tarima haja gin..
Rerren:kawa gasan mantraktir kita makanan..
Mutiara:wahh siip hehe..
Vanessa: ah aku kada kawa mamutusakan lagi,sualnya kadada rasa lagi..
(Pas datangan buahannya)
Utuh:assalamu'alaikuum..
Buahan ciwi:wa'alaikuum salaam..
Amat:(babisik)abah ijum harimnya uki uki..
Abah ijum:kawa dibagi tu,buahan ikam saikung saurang,haaku dua ikung..(Agak)
Amat:(takalipik)akayyah, si landu pang bini pian diulah napa..(Tanganga)
Abah ijum:(babisik)gampang netu,kaina ku suruh bacabur ka banyu,hanyar di tubai..(Hungang)
Amat:(takalipik)saraf bini handak ditubainya kaya iwak..(Takicing)
Abah ijum:hehehe..
Utuh:ading kalu di ijinakan,kami handak mahibuur buahan pian..
Vanessa:(sanyum)hmm silakan kaka..
(Instrumin) (lagu untuk ibu karya fendi ramanda) jaaaah
Utuh:(banyanyi) ku melangkah dari terbitnya mentari..sampai disini diiringi du'a ibu..kejar impian dan harapan hatiku.. Agak kelak bisa lihat ibuku tersenyum..
(Bacacangangan wan vanessa)
Utuh:(banyanyi)ku merindui tatkala dia jauh.. Kupanjatkan du'aku bahagia untuk ibuku..teringat pesannya demi lurusnya jalanku.. Ibu adalah ratuu hidupku hiks hiks..(Manangis)
(Tarharu vanessa wan kawanannya dibuatnya untaian nada utuh)
(Tes vokal dulu nah,mun dikatujui kita lanjut, mun kurang manarik,kita ganti wan judul lain)
(Insya Allah,kisah pilihan terbanyak kadua akan kita pusting jua)

Penulis

Fendi ramanda

di copy paste dari Grub FB Komunitas Wawaluhan
28 February 2016