Nasib pangamin (part 5)

Bismillaah.. Kali ini findi pop akan menghadirkan kisah nang mandayu dayu,hasil tarbanyak pilihan dangsanakku

Nasib pangamin part 5

Restu kurniawan:aku ada rancana,aku handak maulah tarkul itu tasupani dihadapan urang banyak,ini balasan dari abah,inya sudah mambuat vanessa wani wan abah..
Winda:waah idi mantap tu bahhai..
Uma vanessa:apa idinya abahnya..
Restu kurniawan:minggu ini kan acara ulang tahun parkawinan kita umanya, suruh vanessa undang si utuh,wan dibawa gitarnya tu..
Uma vanessa:lalu apa rancananya abahnya..
Restu kurniawan: kaina tahu haja tu..
Latifah:ulun mamadahakan wan kaka..
(Masukai latifah kakamar vanessa,dan manjalasakan sagala sasuatunya)
Vanessa:ading sarius,kalu abah maundang ka utuh di acara abah wan mama..
Latifah:inggih,bisa jadi abah wan mama marasa barsalah,lalu handak maminta maaf wan ka utuh sakaligus maundang ka utuh di acara ulang tahun parkawinan abah wan mama,atau ka utuh disuruh mangisi acara hiburannya ka ai,sualnya ka utuh disuruh abah mambawa gitarnya..
Vanessa:bisa ai kaya itu,mudahanai isuk tatamu wan ka utuhnya,kawa maundangnya..
Latifah:sipp..
(Isuknya imbah tuhuk mangamin mattan baisukan,siangnya utuh wan amat,jum cruse pina mahadang di muhara kandang sakulahan)
Amat:tuh kada papalah kita disini,aku gairnya kalu abah vanessa banarai datang pulang..
Utuh:amun ikam kada parlu khawatir mattai,sualnya ikam wan abah ijum kada bakal disariki abah vanessa..
Abah ijum:jujur waktu samalam aku malihat ikam dimamai abahnya vanessa tuhhai ,jiwa kapandikaranku bargajulak tuhhai,rasa handak banar sudah manggudar abahnya vanessa,pina wani banar mamamai cs ku...(Agak)
Amat:masih haratlah pian abah ijum,sacara umur situ sudah espait..
Abah ijum:umur bulih tuha aku ni mattai,tapi mun badua batalu ha musuhku kada babukahan haaku ni, imbah ku pakai jurus tupai bakamih ,wan jurus karacak bidawang andalanku,sakali gudaran gin,tadadar kai..(Makin agak)
Amat:mbuuuh bujur juakah..
Abah ijum:yu I cuuuy..
Amat:asa kada parcaya aku nah,situ jangankan mangaluarakan jurus,dibawa bapandir haja gin pina manggah dapatnya..
Utuh:hahaha..
Abah ijum:jaah haku kada marga manggah mattai,tapi inirgi tanaga dalamku banarai mangaluar..(Liwar gaya)
Amat:jaaah bujur juakah..
Utuh:sst, itu vanessa,wan kawanannya kaluaran sudah,adiing vanessa..(Bakuciak)
Vanessa:hah ka utuuh..
Rerren:ai aa amat hahay..
Habibah: nyamanai buahannya ada lirikan, kami maka am taganding si kimpus..(Takicing)
Mutiara:biarai sudah bahhai,kita bawai makan pantulan haja pulang hahaha..
Habibah:hehe ayuuu..
(Baparakan buahannya)
Utuh:kaya apa habarnya ding..
Vanessa:hm baik haja ka ai,maafakan atas ulah abah ulun ya ka..
Utuh:iya ading..
Vanessa:u ya, minggu ini pian datanglah ka alamat ulun,di jalan kumplek melun indah rt. 212 no. 007..
Utuh:imangnya ada apa ding dirumah pian..
Vanessa: abah maundang pian,bawai jua kawanan pian hari minggu,di acara ulang tahun parkawinan sidin..
Utuh:(dalam hati)anih,samalam aku marasa abah vanessa liwar sarik wan aku,kanapa hari ini malah bakirim undangan,manyuruh aku datang, aku yakin pasti ada sasuatu yang sudah dirancanakan ulih abah vanessa..(Feling urang bailmu)
Vanessa:kanapa ka malamun..
Utuh:(tagagap)u u uh ka kada papa,iya ka utuh akan datang..
Vanessa:(senyum)hmm makasih ya ka..
Rerren:wah cagar makan banyak ni..
Amat:sippp..
Abah ijum:(dalam hati)waah kawa balas dandam ni,itung itung mangganti duitku nang habis bamamakan pantul,mun kada 12 kali makan kada bulik haaaku..(Himng)
Habibah:ui ayang jum,kita manyucukkan pantul nah..
Abah ijum:(takalipik)akay,iyakah ayuai mun kaya itu..
Habibah:nah mantap tu..
Mutiara:asyiiik..
(Makanan pantullai buahannya)
Amat:beuh kimpus pina himung makanan pantul wan ciwi,duit bacari maka bangai pulang ni cagar,pancangan habis jua haaku bagigi ni,bilang hari hari taumpat bamakan iwak wadi,maka liwar masin..(Takicing)
Vanessa:kami bulikan dulu ka lah..
Utuh:iyaa ading..
Rerren:bah,tiara ayu bulikan..
Mutiara:ukii,makasih ayang jum lah..
Habibah:kaina baasa pulang..
Abah ijum:yu I,barapa bigi saurang buahan ikam tadi yang..(Gaya)
Mutiara:ulun 35 bigi yangai..
Habibah:ulun 42 bigi,nang saribuan haja hehe..(Babuat ka mutur)
Abah ijum:(takalipik)huuuuma banyaknya..(Mancaluk ka duit)
Amat:kawalah mambayari abah ijum..
Abah ijum:barapa kita kulihan tadi tuh..
Utuh:40 ribu haja hanyar,duitnya wadah pian kalu..
Abah ijum :(mangaluarakan duit)iih ,waduuh kada cukup duitnya,haaku makan 13 biji tadi, parak saimbir pantul ,samuaan nang di makan 90 bigi,90 ribu duitnya,kaya apa man duitnya kada cukup..(Nganga nganga)
Paman pantul:harus bayar pian,duitnya gasan nukar baras bussai..
Abah ijum:kaya apa pang uwitnya kada cukup..
Paman pantul:pacullai baju wan salawar situ gasan manapali kakurangan..
Amat:hahaha..
Utuh:huumaa hahaha..
Abah ijum:asli takana sial nah,paksaai dami cinta..(Maluluy salawar,manimbai kamuha paman pantul)
Paman pantul:(takalipik)bunyulnya baunya masam salawarnya,bakas taciyitkah bus ikam..(Tanganga)
Abah ijum:(takalipik)curut pabibilakah, masam netu marga kada batapas banarai 3 minggu..
Buahannya:(takalipik)huuumaaa..
Abah ijum:maklum salawar pamungkas buuus..
Paman pantul:mandai raja biang..(Takicing)
Abah ijum:ayu sudah kita bulikan,asli tinggal basalawar katuk haja lagi bulik nah ,maka tapakai salawar katuk landu,batulisan di buyyitnya "salawar katuk rambo"..
Amat wan utuh:hahahahaha..
(Imbah sampai rumah)
Nini kulimbit landu:haaw napa ngada mamaju wan macalawar pap,nyulut nyalawalku ni makai,aaku maka nuhuk manyalii..(Pina kilum)
Abah ijum:kada sing dapatan saturan landuai,makanan diwarung kada kawa bayar,paksa baju wan salawarku tasanda..
Nini kulimbit landu:meuh nyakitnya,ngaina aku haja nyadi mukalisnya,nyata mayu..(Agak)
Buahannya:(takalipik)akayy..
Nini kulimbit landu:ngada ngawa nukal ngingi palcu am nah..
Abah ijum:aur gigi palsu ha nangg di pikir,mainjam gigi sapi tu nah samantara,atau manyandai gigi kambing nyata nahap..
Utuh&amat: hahahahaha..
Nini kulimbit landu:(takalipik)ngatiak balandam ngimpussai,bini ni hapak..(Sarik)
Abah ijum:(takalipik)bini saraf mambalas inya..
Nini kulimbit landu:muyakkah pappai..(Masuk rumah)
Abah ijum:asli siwah bujuran baisi bini, kaya ini pang nasib tabini banang marlun,bahanu kusut bahan taurai,bahanu nurmal bahanu siwah asli mamauki.. (Masuk rumah jua)
(Dudukan utuh wan amat)
Amat:yakinlah tuh abah vanessa maundang kita,khususnya ikam kadada maksud apa apa wan ikam..
Utuh:jujur aku marasa anih mattai,sacara samalam inya liwar sarik wan aku,tahu tahu hari ini maundang aku sidin,ini jalas amat mahirankan,tapi apapun yang tarjadi aku sudah siap manghadapi sagala kamungkinannya mattai..
Amat:sip netu tuhhai,badu'a haja mudahan samuanya akan baik baik haja..
Utuh:iya mat..
(Sakalipun ada rasa was was pada diri utuh,tapi utuh sudah siap manghadapi kamungkinannya,pas hari minggu pistapun sudah siap dilaksanakan,di rumah vanessa nang liwar migah dan miwah sudah tahias rapi, ada wadai ulang tahun,ada makanan masak habang,bistik,makanan irupah,sampai makanan banjar,gangan haliling, iwak garih,iwak hadangan, papuyu baubar, wan iwak baung tasaji sacara prasmanan,tamu tamu pun badatangan bapakai baju rasmi mamakai jas,gaun pista wan baju tilai,masing masing mambawa kadu)
Restu kurniawan:(dalam hati)satumat lagi pancangan tasupani ikam garduai,tunggu pambalasanku..(Dandam kasumat)
Uma vanessa:(dalam hati)apa rancana abahnyalah,jadi panasaran bingiiiit..(Nganga nganga)
Rerren:vanessa kanapa buahannya balum datanganlah..
Vanessa:aku hiran jua nah,kanapa kah ni,aku kada ingat minta nu hp ka utuh pang..
Mutiara:ghaib ikam ni vanessa ai,nu pacar maka kada baisi,ikam pang ren adalah nu nya..
Rerren:nahma kadada jua..
Mutiara:curut sama panyakit..
Rerren:pina musti,ikam pang adallah baisian nu kimpus..
Mutiara:jaah bapacaran kada aku wan kimpus,habibah tu pacar kimpus..
Habibah:(takalipik)saraf pabibilakah,saurang ba ayang ayang wan kimpus..(Takaradut muha)
Mutiara:sama haja situ gin ba ayang ayang jua wan kimpus,wan jua haaku netu dari pada haja..
Habibah:sama ai jua,aku gin dari pada ha jua..
(Samantara itu di luar lingkungan rumah vanessa)
Amat:waduh tuh,urang datangan pakai baju jas barataan,haaku babaju kaus haja nah,asa kada pidi aku..
Utuh:asli aku gin asa kada pidi jua mattai ,maka babawa gitar ih..
Abah ijum:buahan ikam masih manding,haaku pang,baju batik dipakai, salawarnya training ,ampun landu ha pulang,salawarku tasanda wadah paman pantul,maka ba sapatu but,asa kada cucuk nah,sapatu butni nang rancak kupakai gasan ka pahumaan,supaya kada tajajak karungkung gundang..(Takicing)
Amat:hahahaha..
Utuh:hehe biar ha sudah,nang panting kita sudah mamanuhi kawajiban ,datang di undangan urang..
Amat:bujur jua..
Abah ijum :ayuai sudah kita masukan..
(Bamuula masukan buahannya,lalu apa yang akan tarjadi,nantikan hanya di kowa)
Amun masih dikatujui,banyak nang hadir kita lanjutkan sambungannya

Penulis

Fendi ramanda

9 Maret 2016