Nasib pangamin (Part 3)

Bismillaah.. Kali ini findi pop akan menghadirkan kisah nang mandayu dayu,hasil tarbanyak pilihan dangsanakku

Nasib pangamin part 3

(Di muhara sakulahan,kaluaran vanessa dari sakulahan pakai mubil,pas malihat buahan utuh di muhara kandang sakulah)
Rerren:vanessa, itu utuh kalu..
Vanessa:iya ai..
(Bamandak mutur vanessa,pas dihadapan utuh wan kawannya)
(Kaluaran pada mubil)
Vanessa:ka utuh,waah mau jua datang kasinilah..
Utuh:katika samalam batamu ading,dan imbah ading bulik,ternyata ading maninggalkan sasuatu yang mangharuskan ka utuh datang kasini..
Vanessa:hmm sasuatu apa ya ka..
Utuh:pasuna ading yang tartinggal, bayangan katika ading tarsanyum,dan bayangan katika ading dakat wan ka utuh, manjadikan hati panuh gundah,dan kada mangaruan rasa adingai,mambuat hati ingin capat capat batamu..
Vanessa: hehhe kaka bisa aja..
Amat:( dalam hati) raja gumbal jua utuh, hehe ui ading rerren..
Rerren:iyaa ka amat..
Amat:pian tahulah ding, kanapa ka amat datang kasini..
Abah ijum:(manyahut) tahu ai ka ai,handak mahisap kantuut ulun nang kaya samalam kalu pulang,nang manjadikan hidung pian malarak indah..(Takicing)
Mutiara:hahahaha..
Rerren:(takalipik)pabibilakah aku bakantut..
Amat:tahu abah ijum nih,hehe ka amat datang kasini di karanakan,anak panah cinta ading masih manancap di dadaku,manimbulkan baban asmara bagitu mambara..
Rerren:uuuh rumantisnya..
Abah ijum:(manggumbal jua) ui bibah,wan mutiara tahulah kanapa haaku datang kasini jua..
Amat:(manyahut)tahuai kaiai, pian handak maambil pipi buyyit pian nang tatinggal wadah buahan kami kalu ,nang manimbulkan kakimpussan parmanin pada buyyit pian..(Mambalas)
Buahannya:hahahahaha..
Abah ijum:(takalipik)beuh mambalas inya, heehe samua itu disababkan,tulang rusukku ada pada buahan ayang bardua..
Mutiara:(takalipik)akayyaaaah,bisalah kaya itu,sacara situ karupus sudah baisian tulang,sadang tulangku masih kuat..(Takicing)
Amat:hahahaha..
Abah ijum:(takalipik)bisa haja netu dingai nang ngaran faktur juduh,jiwa panantianku nang akan manguatkan kakarupusan tulangku ,iya kalu bibah..
Habibah:(takalipik)mauai sakuu..(Takaradut hidung)
Utuh:hahahaha raja gumbal jua abah ijum ni..
Abah ijum:uh jalas tuh ,haaku bahari salain mantan pandikar ,jadi playbuy kacangan jua bussai..(Baagak)
Utuh :(takalipik)huuumaaaa..
Amat:(dalam hati)waduuh kimpus,kada mangganang lagi wan nang dirumah,siratu sajagat,liwar happy wan nang anum,kada sadar lagi wan gusi nang kilum..(Takicing)
Utuh:ading bulihkah kita bapandir baduaan..
Vanessa:bulih kaka,ayu kita duduk di tiras sakulahan,buahannya sudah bulikan jua..
Utuh:ayuuu, mat wan pian abah ijum cari tampat masing masing gasan bagumbalan..
Amat:yu i, ayu ding rerren kita ka bawah puhun katapang tu..
Rerren:ayuuu..
Abah ijum:tiara,bibah ayu umpat aa jum cruse makan pantul..
Mutiara:waaah ukiii..
Habibah:siiipppp..
Utuh:ading vanessa..
Vanessa:iyaa kaka..(Senyum)
Utuh:jujur pian kada supanlah ding parak wan ka utuh nang hanya saurang pangamin..
Vanessa:kasta dan tahta itu ka ai hanya dinilai dari luar saja,buat sekeping hati, ketulusan dan kebaikanlah yang tarpanting..
Utuh:manurut ading ka utuh ni kaya apa..
Vanessa:ka utuh urangnya baik,tutur sapa ka utuh supan barsahaja,di hiasi wajah yang manawan,rasa damai bila ada disisi pian..
Utuh:hmm bagitu jua ading, ading itu salain bungas,baik kada sumbung, mamiliki kapribadian yang tulus,dan tutur dan bahasa ading sangat cantik,jujur ka utuh manyukai ading..
Vanessa:kaka sarius..(Mayakinkan)
Utuh:iyaa ading..
Vanessa:ka ulun juga manyukai pian..
Utuh:alhamdulillaah,makasih ading.. (Baganggaman tangan)
Vanessa:(banyanyi lagu ria sari) pertama kali.. Kumengenalmu.. Kurasa getaran didada ini.. tak sanggup aku menahan.. Tak pernah ku menyangka.. Jatuh cintakah aku..
(Bapandangan mata,diiringi gamuruh dada bagai gampa barskala 9,5 sr)
Amat:ading rerren, ka amat ni sadar haja,diri panuh kakurangan,tapi kalau dalam manyayangi binian,ka amat kada akan mau nang ngarannya mandua cinta, maukah ading rerren jadi pacar ka amat..
Rerren:hehe kita mimang manusia biasa ka,panuh dangan kakurangan, dari itu samua, kita kita bisa saling babagi,sahingga dari kakurangan manjadi sabuah kacukupan, ulun tarima cinta pian ka amat..
Amat:hahay makasih ading..(Himung)
Mutiara:sikat tarus bliih,25 bigi hanyar bamakan pantul..
Habibah:sampai tasandar jangan baampihan makan pantul,ada haja sapunsurnya..
Abah ijum:(takalipik,dalam hati)humaa satangah imbir pantul sudah diuntal badua ni ,haaku hanyar talu bigi kangalihan mamamah wan gusi wara,bagigi dida,asli takur bandar..
(Rahatan asyik asyik baduaan utuh wan vanessa,kada sadar mutur datang,abah ijum wan bibah,mutiara haja nang malihat)
Habibah:(takalipik)waduuh mutur abahnya vanessa..
Mutiara: waduuh pancangan baabutan ni,katahuan abahnya vanessa baduaan wan lakian..
Abah ijum:iyakah..(Nganga nganga)
(Turunan buahannya,abah vanessa malihat vanessa baduaan wan lakian langsung naik darah)
Restu kurniawan:(bakuciak)vanessaaaa..
Vanessa:(takalipik)waduuh abaah datang wan mama..
Utuh:(takalipik)haah abaah adingkah..(Asa pancat)
Vanessa:inggih ka ai..
Restu kurniawan:uii siapa ikam,wani waninya mamaraki anakku..
Utuh:(gugup)em ee,maaf pa ulun utuh kawan vanessa..
Restu kurniawan:kawan kawan,pina baganggaman tangan ku lihat tadi,pacar anakkukah ikam..
Uma vanessa:pacar, ada ada haja abahnya nih,kada sudi aaku,mudil panampilan kaya pangamin,maka handak ditataiakan wan anakku..(Sinis)
Restu kurniawan:siapa nang sudi..
Utuh:maaf pa,bu ,ulun mimang pangamin,tapi ulun bukan saurang pangamis..
Winda:kisah mambila diri,ui ka cuba mun handak wan urang tu cari nang sa livil haja wan situ sama sama dari kalangan kalas bawah jadi kada akan ada partantangan..
Vanessa:(takalipik)adiiing..
Latifah:apa jar ka winda tu bujur haja ka ai,kasian sidin jua di hujat habis habisan..
Utuh:maaf pa ,bu,wan ading ading yang tarhurmat, kakayaan yang pian miliki,kahidupan yang nasibnya jauh labih baik,jangan manjadikan pian kufur nikmat,dan sumbung wan sasama, mastinya jadikan buat sarana untuk labih barsikap tawadhu,dan randah hati, nasib manusia ini bisa baubah jikalau takdir Tuhan manghandaki,inya bukan ninik muyang pian nang manyababkan buahan pian sugih,bukan pula karna usaha pian nang manyababkan buahan pian baharta,tapi karna Tuhan, nang mambari amanah labih ganal gasan pian barataan,bila Tuhan handak maambil kapan haja,maka miskinlah pian,sungguh katika kalabihan barupa harta dimiliki pian,hanyalah marupakan kamudharatan samata mata,di sababkan ulih kasumbungan pian..
Restu kurniawan:(takalipik)lancaaang,wani banar manasihati aku nang jauh labih pintar dari ikam..
Utuh:iya pian pintar,tapi pian lagi lupa,dan ulun mangingatakan nang kabatulan pian lupa pa ai..
Restu kurniawan:(dalam hati)dasar kada tahu di basa kakanakan ni,kada mamandang lalu wan wibawaku..(Talalu igu)
Uma vanessa:ayu vanessa,bulik ikam, mama kada handak lagi malihat ikam batamuan wan hantu ni..(Sarik)
Latifah:ayu ma kita tinggalakan haja tarkul ni..
Utuh:(takalipik)?????
Winda:ayu bah..
Restu kurniawan:ingat bila ikam kalihatanku batamuan wan anakku,ku ramukkakan tulang tulang ikam..(Bulik)
(Bulikan buahannya)
Rerren:yaaaah bajalannam bulik..
Habibah:asli banaran..
Amat:sabar haja tuh,ini tantangan..
Utuh:bukan lalaki mun aku gantar wan ancaman abahnya vanessa mattai, aku akan barusaha,kacuali bila sudah lalah,hanyar aku bamandak barharap..
Abah ijum:kita mangutip ucapan fendi ramanda "air nang mangalir kadang terhalang bebatuan,tetapi dia akan tatap barusaha mangaliri jalan yang mimang jadi takdirnya meski kada bisa mangaliri sapanuhnya,saat ketidak mampuannya,Tuhan curahkan hujan,sehingga curahan itu menyatu dengan dirinya,jadilah aliran yang sempurna pada akhirnya" artinya teruslah barjuang,jangan bamandak,katika batas parjuanganmu barada pada titik maksimum tapi balum mambuahkan hasil ,maka Tuhanlah yang manyampurnakan parjuanganmu dangan kasih sayangnya,sampai pada akhirnya kamu mencapai keberhasilan..
Utuh:iya abah ijum..
(Rambang mata utuh,cinta nang hanyar barsamii sudah ditantang)
Bagaimanakah kisah salanjutnya, apa nang akan tarjadi,nantikan kisahnya hanya di kuwa

Penulis

Fendi ramanda

di copy paste dari Grub FB Komunitas Wawaluhan
4 Maret 2016