Nasib pangamin (Part 2)

Bismillaah.. Kali ini findi pop akan menghadirkan kisah nang mandayu dayu,hasil tarbanyak pilihan dangsanakku

Nasib pangamin part 2

Utuh:(banyanyi) ku melangkah dari terbitnya mentari..sampai disini diiringi du'a ibu..kejar impian dan harapan hatiku.. Agak kelak bisa lihat ibuku tersenyum..
(Bacacangangan wan vanessa)
Utuh:(banyanyi)ku merindui tatkala dia jauh.. Kupanjatkan du'aku bahagia untuk ibuku..teringat pesannya demi lurusnya jalanku.. Ibu adalah ratuu hidupku hiks hiks..(Manangis)
(Tarharu vanessa wan kawanannya dibuatnya untaian nada utuh)
Amat:abah ijum putiki duitnya..
Abah ijum:waah ukii..
(Balaluan mananai pakai kantungan)
Mutiara:hehehe,naah..(Manjurung duit 2000)
Habibah:nah duit ulun..(Saribuan)
Rerren: nah duit papikat..(500 duit pacah,pina titil ha pulang bakas diigutnya bahimat)
Abah ijum:(takalipik)huumaa bagusnya duitnya,pina himpal pinggirnya..(Takicing)
Rerren:netu duit nang ulun igutti bila ulun galau hehehe..
Abah ijum:(takalipik)jaaah...
Vanessa :ini duit ulun.. (Manjurung duit ratusan ribu)
Abah ijum:waduuh banyaknya mambari,ratusan ribu..
Vanessa:simpan haja,itu rajaki buahan pian..
(Baparak utuh,maambil ka duit)
Utuh:ading,duit ini talalu banyak,ambillah pulang..
Vanessa:kanapa ka handak dibulikakan, ini duit sudah ulun bariakan..
Amat:tahu utuh ni,sikaaat sudah..
Utuh:ading kami ini bagawi,atas dasar jarih payah kami,bukan maharap balas kasihan urang,sabab gawian kami kaya ini rantan maulah urang kada purun..
Rerren:uh su swiiit..
Abah ijum:(takalipik)napa jar buntut suit,buntut suit siapa yang..
Rerren:(takalipik)jaaaah ayang jeyy,su swiiit kai ai lain buntut suit..
Amat:hahaha kai jar..
Abah ijum:curut jatuh pamur dikiyau kai..(Takicing)
Mutiara:xixixixi prutis sidin..
Vanessa:jadi kaka manulak..
(Bacacangangan)
Utuh:(dalam hati)masya Allah liwar bungas binianni,matanya liwar indah,sanyumnya dahsyaaaaat..
Vanessa:(dalam hati)laki laki ini sunggguh mamiliki wajah manawan,tutur sapanya lambut barsahaja..
Abah ijum:(dalam hati)beuh balirikan utuh, waduuh ada juakah nang hakun wan aku ni, mun ada nang handak, nyaman maandak landu ka musium,sadang sudah diawitakan pakai balsam kaya mumi..(Hungang)
Amat:ui ding kawakah kanalan..
Rerren: kawa ai ka ai,ngaran lun rerren..
Habibah:ulun habibah ka ai..
Mutiara:ulun mutiara ka ai..
(Basalaman)
Amat:ulun amat..
Abah ijum:kalu haaku nang imut jum cruse yangai..(Basaman jua)
Rerren:hahaha imut jeyy,gusi pina imut pang ,agak ka kilum kiluman gichuu..(Malirik)
Amat:hahahaha..
Abah ijum:(takalipik)saraaf gusiku nang kilum dipadahakannya nang imut..
Utuh:kalu ading yang bungas mamikat hati ni siapa,kanalkan aku utuh..
Vanessa:ulun vanessa ka ai..
Utuh:indahnya namanya, ading itu saparti salju yang turun di musim semi, kahadiran ading manjadikan hidup panuh arti, tarasa damai dalam ruang hati bila salamanya bisa barsama ading..
Vanessa:(sanyum)hmm ka utuh pintar marayu ya..
Utuh:kada ading, ka utuh hanya manyampaikan apa yang saharusnya disampaikan..
Vanessa:karna ka utuh sudah manulak pambarian ulun,ka utuh harus mau makan barsama kami..
Utuh:jangan ading,ka utuh kada pantas makan barsama ading nang bungas..
Vanessa:sudah jangan manulak ayu..
Abah ijum:sikat dah tuhhai,di rumah jalas sakit tuhhai makanannya,jalas biniku manyanga iwak wadi..
Amat:dari mana pian tahu abah ijum..
Abah ijum:bilang hari hari ,nitu pang iwak kasukaan landu,gusiku bilang ngilu kada baampihan,napa saban kalian makan, iwak wadi ha nang di untal..
Amat:hahahaha..
Utuh:hahahaha..
Vanessa:ayu ka dudukan..
(Dudukan,kada lawas masakan siap dimakan,imbah tuntung babuatan di mubil buuahannya)
Vanessa: makasih ya ka,sudah mangawani kami makanan..
Utuh:sama sama ading..
Vanessa: kalu mau katamu kami,datangi haja ka sakulahan sma internasiunal wawaluhan..
Utuh:uuh iya ading..
Amat:ui ren, mauai kalu ka amat datangi jua..
Rerren:mauai..
Abah ijum:buahan nang badua netu pang, hakunai kalu jum cruse datangi..
Habibah:(takalipik)mau ai..(Takaradut muha)
Mutiara:cucubaannai..(Takicing)
Abah ijum:hahay dapat lampu hijau haaku..(Himung)
Vanessa:(mambisiki)bujurankah habibah ikam hakun didatangi jum cruse..
Habibah :(mambisiki)dari pada ka pada haja,kadada lagi stuuk tinggal biraknya haja lagi,paksa ai diiihakan si jum kilum..(Takicing)
Vanessa:xixixixi..
Abah ijum:(dalam hati)hahay rupanya ada haja lagi nang handak wan haaku,dari sisa sisa kataampananku..(Salah arti)
Vanessa:uya kaka,kami handak bulikan dulu..
Utuh:iyaa ading makasih sudah mantraktir kami makanan..
Vanessa:sama sama..
(Babuatan ka mubil buahannya,hanyar bulikan)
Amat:wah mantap tuhhai ciwinya,haaku manaksir wan nang balasung pipit netu naah, si rerren..
Abah ijum:mun haaku kaduanya ku sikaat, habibah wan mutiara..(Agak)
Amat:(takalipik)jaaah iyakah..(Takaradut hidung)
Utuh:ya kita bausaha haja,sambil manyalam minum air,sambil bagawi bacari juduh..
Amat:mantaaap..
Abah ijum:ajiiiiiiib..(Gaya cuul)
Utuh:ayu kita mangamin pulang..
Amat:yuuuuhuuuuu..
Abah ijum:uyeeaaaaaaaaah..(Cemungut)
(Mangamin pulang buahannya,imbah lapah hanyar bulikan, malamnya basurung makanan nini kulimbit landu)
Nini kulimbitt landu:hayuu makanan,nasi wan iwak sudah siaap..
Abah ijum:humaaa iwak wadi pulang, kadada lagikah urang bajual salain wadi landu dipasar..
Nini kulimbit landu:singhaja yangai,nyaman tahan 2 hari kada bamasak iwak,tinggal dipanasi haja lagi..
Abah ijum:(takalipik)gagilaan ide, haaku makaam ngilu di gusi kada baampihan..(Takicing)
Nini kulimbit landu:di arit arit ha pappai,dari pada upaw..
Utuh:kada papa abah ijummai,kaya apa haja patut disyukuri,masih ada nang kawa dimakan,diganang diluar sana masih ada nang manahan lapar,karna kadada nang dimakan,jadi jangan mangaluh wan nang Tuhan bari,insya Allah babarkah haja tu..
Amat: bujur abah ijummai..
Abah ijum:ayuai sudah..
(Makanannai buahannya)
Nini kulimbit landu:kaya apa mat si jum cruse kawan ikam ni,kada maanu binian lain kalu..
Abah ijum:ppphh..(Manyambur nasi)
Utuh:humaa kanapa tu..
Amat:tanang haja bussai,jum cruse ni cuwu satia..(Takicing)
Nini kulimbit landu:maklum haja tu, sualnya jum cruse tabini ratu sajagat,kadada nang kawa manandingi pamurku lagi.. (Agak)
Buahannya:(baimbai)akayyahaaaai..
(Imbah makanan,santai hanyar guringan,pas bulik sakulahan sma internatiunal ,buahaannya mahadangi di luar kandang sakulahan)
Amat:yakinlah disini sakulahannya tuh..
Utuh:iih yakinai,sasuai alamat nang di sambat vanessa..
Abah ijum:waduh asa supan aku mattai..
Amat:haw supan wan siapa abah ijum..
Abah ijum:supan wan samut habang,saulah ditakuninya "sadang apa disini jeyy" jarku mananti pacar jawabku..(Hungang)
Amat:(takalipik)jaaaah kaya lagu..
Utuh:hahahaha..
(Samantara itu kaluarga vanessa hanyar datang dari jakarta,diambili supir pribadi)
Latifah: bah, kita ni langsung karumah haja kah..
Winda: langsungai kalu bahlah..
Restu kurniawan (abah vanessa): kita mandatangi sakulahan kaka ikam gin dulu,parak bulikan sudah nih,sakalian kita singgah di risturan makan siang barsama, wan jua abah dandaman banar sudah wan kaka ikam..
Mama vanessa:mama gin dandaman jua sudah,samingguan ditinggalakan liburan..
Restu kurniawan:pa iyan kita kasakulahan internatiunal wawaluhan..
Pa iyan :baik pa..
(Di muhara sakulahan,kaluaran vanessa dari sakulahan pakai mubil,pas malihat buahan utuh di muhara kandang sakulah)
Rerren:vanessa, itu utuh kalu..
Vanessa:iya ai..
(Bamandak mutur vanessa,pas dihadapan utuh wan kawannya)
Bagaimanakah kisah salanjutnya, apa riaksi kuitan vanessa wan ading adingnya,imbah malihat vanessa pina masra wan utuh sang pangamin)
Nantikan episode yang managangkan hanya di komunitas wawaluhan

Penulis

Fendi ramanda

di copy paste dari Grub FB Komunitas Wawaluhan
2 Maret 2016