Nasib pangamin (part 4)

Bismillaah.. Kali ini findi pop akan menghadirkan kisah nang mandayu dayu,hasil tarbanyak pilihan dangsanakku

Nasib pangamin part 4

Abah ijum:kita mangutip ucapan fendi ramanda "air nang mangalir kadang terhalang bebatuan,tetapi dia akan tatap barusaha mangaliri jalan yang mimang jadi takdirnya meski kada bisa mangaliri sapanuhnya,saat ketidak mampuannya,Tuhan curahkan hujan,sehingga curahan itu menyatu dengan dirinya,jadilah aliran yang sempurna pada akhirnya" artinya teruslah barjuang,jangan bamandak,katika batas parjuanganmu barada pada titik maksimum tapi balum mambuahkan hasil ,maka Tuhanlah yang manyampurnakan parjuanganmu dangan kasih sayangnya,sampai pada akhirnya kamu mencapai keberhasilan..
Utuh:iya abah ijum..
(Rambang mata utuh,cinta nang hanyar barsamii sudah ditantang)
Abah ijum:ayu tuh kita bulikan dulu..
Rerren :kami bulikan jua nah, naik taksiai bahhai..
Habibah:ayuai..
Amat:hati hati dinglah..
Rerren:enggih ka..
(Bulikan buahannya masing masing,imbah dirumah)
Nini kulimbit landu:ana pap catulannya..(Pina kilum)
Abah ijum:(takalipik)waah kadada nah,peraiii hari ini..
Nini kulimbit landu:nyakitnya pang,ngadada catulan,nyiapa ngalang nang anyanyi mina ngana payu..(Nganga nganga)
Abah ijum:utuh pang..
Utuh:maka ada masuk duit tadi abah ijum..(Bingung)
Amat:iih kulihan 60 ribuan tadi..
Abah ijum:(mambisiki)habis sudah mattai,gasan mantraktir buahannya makan pantul..
Amat:(takalipik)huuma iyakah..
Nini kuimbit landu:meuh meuh mayah ni,ana uwitnya nyadi ngadada, ngiingi palcuku ngilang puang, ngungul nga banyu..(Liwar kilum)
Abah ijum:(takalipik)huuma hilang pulangkah gigi palsu,kamana raibnya..(Tanganga)
Amat:(takalipik)akayy kanapa bisa hilang..
Utuh:(takalipik)waduuuh gigi di gusi maka bisa hilang..(Marma)
Nini kulimbit landu:enengetehe..
Buahannya:(takalipik)huuumaaaa..
Nini kulimbit landu:ngada ngawa ungkal hayammam ,iwak wadiai di mangan..
Abah ijum:(takalipik)waduuh gusi bilang biru,kada baampihan ngilu gara gara katuhukan bamakan iwak wadi hajja ,darah naik banar,liwar kamamasinan iwak nang diuntal,ini cagar mauntal iwak wadi pulang pancangan mudar ni..(Masam muha)
Nini kulimbit landu:ngada ngawaai ni alittai citu..
Abah ijum:asli salah pilih kawan hidup mun kaya ini caranya,ta pilih fusil wadi..(Takicing)
Nini kulimbit landu:bulu ngatiak balandam,haaku ni haapak..(Takaradut hidung)
Utuh:ayu mat kita kaluaran santai..
Amat:ayuu..
(Dudukan di palataran buahannya)
Amat:apa langkah ikam tuh,imbah dapat halangan dari kuitan vanessa..
Utuh:yang pasti aku kada manyarah mattai,cucubaan bausaha,mudah mudahanai mambuahkan hasil..
Amat:nah bujur tu..
(Kada lawas babunyi hp utuh)
Ringtune: malam itu.. Kumenatap langit.. Diatas sana kulihat bulan separo.. Begitu indah menghiasi kegelapan.. Seperti terbelah rata..
Utuh:(batalipunan)assalamu'alaikuum maa..
Uma utuh:(ditalipun)wa'alakum salaam..
Utuh:kaya apa habar pian ma..
Uma utuh:alhamdulillaah,baansur baik tuhhai, uma di daftarakan ulih acil ikam thia umpat bpjs,nyaman bapariksa,baubat garatis tuhhai, ini pina sigar sudah uma..
Utuh:alhamdulillaah, maaf ma lah ulun kada kawa bulik lagi ka kandangan..
Uma utuh:ayuha nakkai,jangan mahatiakan uma,cari duit sabanyak banyaknya,imbah itu ditabung nakkai,kalu kawa tahun kaina manyambung sakulah..
Utuh:tapi duit pian pang ada hajalah ma..
Uma utuh:jangan dipikirakan tuhhai,baras banyak haja,iwak manangkap dikaramba kita,uma kada tapi bailanja jua..
Utuh:enggih ma..
Uma utuh:ayuha tuhhai,uma handak bamamasak dulu..(Manutup ka hp)
Utuh:iya ma..(Manutup hp)
(Samantara itu dirumah vanessa)
Restu kurniawan:ingat vanessa,jangan sakali kali lagi ikam bahubungan wan tarkul netu..
Vanessa:abah, apa salah saurang manusia bahubungan wan manusia lain, bila ada tumbuh rasa suka dihati kami wajar haja kan bah, vanessa binian dan ka utuh lakian,manyukai lawan janis kada malangggar kudrat kalu abah..
Restu kurniawan:lancang ikam bapandir wan abah kaya itu,abah kada malarang ikam bahubungan wan lawan janis,tapi maksud abah tu nang sasuai wan darajat kita..(Karas bapandir)
Uma vanessa:kada biasanya ikam wani bapandir nang malawan wan abah ikam vanessa,kanapa hari ini pina wani..
Wiinda:bisa jadi si tarkul netu nang sudah mampangaruhi kaka ma ai..
Vanessa:ading jangan umpat umpatan bapandir,nang hanya akan mamparkaruh kaadaan..
Restu kurniawan:apa nang disambat ading ikam itu bujur haja, ikam ini sudah wani manantang kuitan..
Vanessa:bah,urang tua itu kada salamanya pamikirannya salalu banar, kadang ada haja kakhilafan..
Restu kurniawan:kakhilafan apa nang sudah abah lakuakan haaa..(Sarik banar)
Vanessa:abah marasa sugih,jabatan duniawi dianggap urang tarpandang yang abah miliki,sudah mambuat abah marandahkan urang miskin nang jauh darajatnya wan abah,abah sudah lupa kalu samuaan yang abah miliki,hanyalah titipan Tuhan samata, itu adalah kekhilafan abah..
Restu kurniawan: wajar ,abah mamiliki sagalanya,apa nang kada kawa abah tukar ha, sagala kabutuhan ikam haja salalu abah panuhi,sudah sapatutnya abah jaga jarak wan urang nang kada mampu..
Vanessa:kadada sadikitpun yang ada pada abah manjadi mutlak milik pian,tanpa ijin Tuhan abah kada akan bisa manggunakan harta nang ada pada diri abah ,sabab Dia lah pamilik samua itu ,sakarang vanessa batakun,apa abah lahir dangan sagala harta kakayaan sakarang ini..
Restu kurniawan:(takalipik)haaah..
Uma vanessa:(takalipik)haaaah..
Vanessa:abah lahir dalam kaadaan talanjang,dengan kasih sayang Allah Yaa Robb,abah di bari pakaian,abah di bari akal gasan bapikir buat bartahan hidup,abah bagawi,ditiupkan kabarhasilan,Allah limpahi abah harta duniawi,harta yang abah miliki sadiikitpun lain abah yang ciptakan,tapi samua miliknya Ilaahi,lalu kanapa samua itu abah sumbungakan,kalak abah katika tiada hanya akan kambali tanpa mambawa sadikitpun dari harta yang abah kumpulakan saat ini,harta itu akan barpindah pada urang lain, hanya 3 rajaki abah yang nyata ,pertama adalah makanan yang abah kunyah masuk kadalam parut,kadua adalah pakaian yang abah pakai sampai lusuh dan tak tarpakai,katiga adalah amal kabaikan abah..
(Mandam kuitan vanessa wan ading adingnya)
Vanessa: abah punya hak malarang ulun bahubungan wan ka utuh,tapi abah kada punya hak manghina urang kaya ka utuh, apalagi marandahkannya..
Restu kurniawan:apapun pandiran ikam,abah kada akan parnah satuju ikam barhubungan wan lakian nang kada sadarajat wan kita,ini manyupani haja,handak diandak dimana muha abah ikam ni ha..
Vanessa:abah bisa supan wan urang nang sasama makhluk manusia,tapi abah kada supan manyumbungakan harta nang Tuhan punya nang dititipakan pada abah,padahal bila Tuhan barkahandak,isuk bisa haja Tuhan ambil harta nang dititipakan Nya pada abah,apa abah bisa manghalangi Tuhan..
Restu kurniawan:(takalipik)haaah..
Uma vanessa:haaaah..
Winda:haaaah..
Latifah:?????
Restu kurniawan:kurang ajaar,plaaaaak..(Manampar)
Vanessa:uh hiks hiks hiks..(Bukah ka kamar)
(Taduduk kuitan vanessa)
Restu kurniawan:kada manyangka sama sakali,kalu vanessa liwar wani wan aku abahnya..
Uma vanessa:dipikir pikir bujur jua ujar anak kita abahnya ai..
Restu kurniawan:aku kada mambantah netu,tapi kada salah kalu,mun abah handak baisian minantu kalak urang nang sadarajat wan kita..
Winda:uh jalas kada dung abah..
Latifah:ruman rumannya kada pang..
Restu kurniawan:aku ada rancana,aku handak maulah tarkul itu tasupani dihadapan urang banyak,ini balasan dari abah,inya sudah mambuat vanessa wani wan abah..
(Apa rancana restu kurniawan,kita akan sagara mangatahuinya bila pian masih katuju wan kisah ini,insya Allah ulun pustingakan sambungannya malam kaina)

Penulis

Fendi ramanda

di copy paste dari Grub FB Komunitas Wawaluhan
7 Maret 2016